Kesusastran Bali Purwa
Kacerita Anaké Agung di Yogia mireng orta undukné I Raré Sigaran dadi Agung, lantas gebuga ngara Sigaranné. Rames pesan koné siaté, panjaké liu pada mati, nanging pamragat siaté tusing ada menang kalah. Antuk kenyelé, Anaké Agung budal ka negara suang-suang. I Raré Sigaran jenek nyeneng agung di negara Sigaran.
21. I Sigir Jelema Tuah Asibak
Ada koné satua anak luh daa, ubuh uli cenik kantinggalan rerama luh muani tur padidi sing ngelah nyama.
Kacerita Ni Ubuh sedekan maan ngidih padi. Padiné ento jani lakar tebuka. Mara tuunanga kebéranga malu di tanahé, kaget teka uli dija ujan bales masriok makacagan. Ni Ubuh ngénggalang nuduk padiné abana menekan ka balené. Suba padine di balené, matanainé luung endang ngenteér. Buin tuunanga padinné, buin peteng dedet guminné tur ujan bales. Ni Ubuh bincuh nyaup-nyaup tur plaibanga padinné ka baléné. Kéto dogén busan-busan menék tuunanga, kanti ia marasa kenyel. Pedih basangné, laut Ni Ubuh munyi sada ngémbros “sing tuah Betara Suryané bebéki pesan tekén awaké lacur, néh ké tunggingina!” Plitanga jitné marep matanainé. Suba kéto teka andang luung nréngdéng ainé. Ditu buin jumunina nuunang padinné kebéranga di natahé, kanti tuh ngritik, lantas tebuka dadin baas.
Nah suba jani kéto, sayan-sayan makelo sayan masalin rasan awakné, mrasa oon, baat, enduk-enduk atinné, kenéhné buka anaké punék-punék nunggil daun ronné pesu ubané mencur tur ngacuhcuh, gobanné dadi sayan gading lumlum, nyonyoné sayan kenyat mrasa beeng, ditu ia keweh ngrasain ibanné, tuara kakanéh baana, makejang ngetaraang ia liwar ganti tur ngidam, krana suba magatra di nyonyo. Apan akéto, Ni Ubuh mrasa sedih wiréh taunné tusing pesan nawang ngajak anak muani. “Dadi awaké beling kéné jani apa men kétoné, tusing ké dadi kakedékan gumi, mimbuh-
125
