Kesusastran Bali Purwa
mesel saang. Ida Betara Brahma ngandika, "jero anak luh, dadi jeroné bani ngalih saang dini?
Masaut i panyeroan, "inggih jero, tan wénten ja tiang ngidih ring sira-sira. Awinan tiang purun ngrereh, sengguh titiang tan wénten sané nruénang lelasakané puniki." Buin ngandika Betara Brahma, "nah lamun kéto, lamun baang ja nyanggamain déwék nyainé jani bakal tunasang patut tekén sang yogia matutang," kéto pangandikan Betra Brahma. Masaut lantas i panyeroan, “inggih jero, déwék tiangé anak sampun wénten nruénang, mangda sampun punika malih ngawinang tiang sisip."
"Nah yadiapin kéto, lamun suba nyak nyai ajak masanggama, sing ja ngranaang kénkén. Nanging kéto, yan suba nira nyanggamain nyai, nyanan petengné da pesan baanga kurenané ngajak nyai. Nah lamun suba ja liwat petengé nyanan, dadi sakeh nyai."
Déning kéto nyak koné i panyeroan, lantas matemu ida Betara Brahma tekén i panyeroan. Di subané suud masanggama, i panyeroan lantas mulih ngaba saangné.
Kacerita nyanan petengé, I Rungsing ngajakin i panyeroan masanggama. I panyeroan tuara nyak, déning inget tekén pamunyin anaké i tuni. Déning I Rungsing kedeh pisan, mawinan payu i panyeroan kasanggamain. Di subané suud masanggama, sagét I Rungsing tuara inget-inget tekén déwék, tur lantas ia mati.
Kacerita i panyeroan suba béling gedé, bélingné ento pagaén sang kalih, Betara Brahma tekén I Rungsing.
Kacerita jani ida Pranda Sakti ngandikain i panyeroan ngalih yéh, bakal anggén ida masucian. Ngénggalang lantas i panyeroan ngaba jun ka pancoran.
Kacerita ida Betara Guru merupa anak alit tedun uli suargan, ngojog di luanan pasiraman ida Pranda Sakti tur ngubek yéhé, kanti puek koné dadiné. Jani i panyeroan, mara ukuna nyalud yéh tingalina yéhé puek. Ditu lantas ia brangti
121
