Kembang Rampé
Di subané tablané ento katur tekén Ida Sang Prabu di Singasari, matur koné arin idané, “Beli Agung, dadi lipetanga nika tablané, Beli Agung?”
“Kénkén kadén,indayang nika ungkabang tekepné, napi sih isinné?” Mara ungakabnag ida tekepné, tengkejut pesan ida sang Prabu kalih pramésuari, déning misi layon okan idané tur macahcah tekén anak alit. Mawanan patih mantrin idané nedunang panjak lakar ngebug jagat Koripan.
Kacerita kumpul koné suba panjaké tur sregep ngaba senjata, lantas ida sang Prabu mamargi ngungsi jagat Koripan kairing ban patih mantri muah panjaké makejang. Kacerita rauh koné suba di tepi siring Koripan. Déning ida sang Prabu muah panjak Koripané suba tragia lakar nanggal tekan musuhé uli Singasari, dadi enggal macampuh yudané.
Gelising satua, pamuput kasor ida sang Prabu Singasari, lantas ida sang Prabu, patih, mantri muah panjaké sisan padem, nunas urip tekén ida sang Prabu Koripan. Ida Prabu Koripan lédang. Ida Prabu Singasari lantas mantuk kairing ban patih mantrin ida muah panjaké.
20. I Raré Sigaran
Ada tuturan satua ida Pranda Waurauh (Pranda Sakti) matapa Di Gunung Tolangkir. Kasuén-suén ida nangun tapa, lantas ada hujan bales pesan tur kanti belabar agung. Dugas ujané sedeng balesé, ada jlati kalung gedé pisan anyud, ngojog diarep ida Pranda. Yan kénkén kapo kayun ida, lantas pastu ida jlatiné ento apang dadi anak luh jegég, tur anaké eluh ento lantas anggon ida panyeroan. Kasuén-suén panyeroanné ento anggona pamitra olih I Rungsing.
Kacerita jani i panyeroan ngalih saang, nepukin lantas ia lelasakan tur saangé tuh-tuh. Saangé ento lantas aliha tekén i panyeroan. Yan munggahin lelasakané ento, druén ida Betara Brahma. Ida Betara Brahma lantas marupa manusa nyagjagin i panyeroan. Dugasé ento i panyeroan suba suud
120
