Kesusastran Bali Purwa
lantas ia manyogjog nyagjagin raksasané ento sambilanga nuding, kéné munyiné, “ih iba raksasa jelé, langgana pesan iba teka mai, mamangsa jlema nguugang gumi. Nungkul! Nyongkok! Nyumbah! Kai putran Betara Surya!” Mara Truna Sibak mamunyi kéto, saking sidi sakecapé, teka nungkul ngees i raksasa teka tuut kénkén ja tundéné baan I Truna Sibak, raksasané nyak dogén. Ditu lantas uduh plagendanga baan I Sibak, tundené bangun, ia nyak, tundéné ngigel nyak, tundéné jumplang-jumpling nyak. Buina tundéné majalan nyungkling apang tendasné maarep tuun, batis né maarep ménék, ia masih nyak. Kéto ngendah suba igelanga, nyak dogén. Anaké yadin retune bengong pada nonton, mabalih satingkahé. Suba makelo kéto, suba kanti oon raksasané ento mangéndah pélag, lantas tundéné baan I Sibak ngaplugang terasné di batuné gédé batan kayuné ditu. I raksasa sahasa ngaplugan terasné di batuné gedé, laut bencar terasné, makecrot pesu poloné, neléh matané, lantas mati. Béeh ramé suryaké di bancingah. Makejang pada gigian anaké baan aluh I Sibak ngamatiang raksasané gede buin galak. Suba mati raksasané, I Sibak lantas kanikaang ka jero tangkil ring sang Prabu. Ditu ia buin katetes, anak kénkén sajanné, uli dija? Lantas ia nguningang antuk palekadan ibané, uli kawit kayang panyuud, katatuannya ia putran Betara Surya, tur suba malukat malané dados jlema rahayu tur madan I Truna Bagus. Di panangkilan ia laut ngelus kulesné, gobanné asibak dadi maganti rupa dadi manusa bagus. Ida sang Prabu ledang pisan sasampuné mireng nyingak kadadian I Trunané kéto. Prajani micaang jagat idané tur kabuncingang tekén putran idané. I Truna Bagus kaicén parab Prabu Déwantara, kasungkemin baan gumi lan panjak sang Prabu makejang. Ida sang Prabu né mula lantas lunga ngwangun yasa kaalasé, ngening-eningan pakayunan sareng rabiné tuah ngayatang ragin ida moksa ka suargan.
Kéto satuan nyané malu, krananné dadi maganti ageté
133
