Kesusastran Bali Purwa
titiang kumalegeni druén Betara, malih titiang ngarsaang linggih Betara.”
Raris ngandika Betara, “nah yan tuah kéto, da buin ngalih dina lénan, jalan jani ba!”
Raris derika Betara malih ngandika, “nah yén maluan mesuang raosé, nah yén I Dukuh, ira nyén.”
“Inggih yan wantah asapunika, titiang wéhin,” asapunika Jero Dukuh ngamedalang baos. “Inggih punapi sané mawasta, béngkot ping kalih, bunter a pisan.” Dados kamemegan Betara Mahadéwa, sué ida nénten madal pangandika.
Gelising cerita, réh méweh ida Betara Mahadéwa, dados ngrereh pasubayan watek gandarwa, pacang ngwastanin daging raos I Dukuh punika. Derika raris rauh ida Begawan Wrespati, ngaturang katerangan daging baos punika.
“Inggih titiang nguningang ring linggih Betara, punika sané mawasta bengkot ping kalih, bunter sapisan, nika madan sasih. Raris Betara mangkin ngwastanin, nNah né kéné cimpedan I Dukuhe totonan, isi raos I Dukuh totonan, bulan adané ento. Tanggal bengkot acepok, di purnamané.” Sampun asapunika, raris ngluku I Dukuh Kadampal, santukan sampun kaon.
“Inggih yan wantah asapunika, déning kaon sampung titiang, kangin mangkin Betara wantah ngamedalang cecimpedan! Yén tan keni antuk titiang narka, kaon titiang, derika titiang jagi ngaturang déwék ring singgih Betara, samalih panak tiangé sané mwasta I Tosning Dadap Tosning Presi, mangda Betara nruwénang!”
Gelising cerita, raris ngamedalang ida cecimpedan, “nah apa madan i dakah mabuah i dikih, i dikih mabuah i dakah?” Dados nénten keni antuk Jero Dukuh.
“Inggih yan asapunika Betara, nénten keni antuk titiang, raris jani ngandikain. I dakah totonan madan gedé, i dikih madan cerik, dadi i gedé mabuah cerik, madan bingin.
135
