Kembang Rampé
abesik, keto kenehné I Lengar, engkebanga lantas bajun dedariné abesik. Suud jené dedariné kayéh, makejang koné pada nyemak-nyemak baju, kuala ada adiri tusing bakatanga bajunné.
"Ne dija bajun gelahé?" Kéto koné pangandikanné. Bareng koné timpalné pada ngalihin, masih tusing koné bakatanga. Déning suba makelo alih-alihina tusing bakatanga, apa kalahina to dedariné padidi tekén timpal-timpalné mantuk ka suargan. Nu koné kileng-kileng ditu dedariné ajaka didina, tengkeemina tekén I Lengar.
"Ye né ada jlema dini méh anaké né jenenga ngengkebang bajun gelahé?" Kéto pangandikan dedariné lantas paekina koné I Lengar.
"Jero, Jero, ulihang bajun tiangé!" Kéto pangandikan dedariné, ojog tebaga koné I Lengar.
"Baju napi tagih jeroné?"
"Embok ngejang baju dini laut ilang, cai dogén dini.”
"Tiang tusing nyemak bajun emboké, tiang mara mai,” kéto koné pesautné I Lengar, mara dedariné embok-embok, ia bareng membok.
"Ah cai nyemak, déh ulihang, tebusa ja duang tali."
"Tiang tusing nyemak, kadung alaksa embok nagih nebus, dija men gabagang tiang baju".
Makelo gati koné makencan-kencan I Lengar ajaka dedariné, tusing pesan I Lengar ngangken.
"Embok-embok tiang metakon ja tekén embok, embok nyén sih, dija umah emboké?" Kéto abetné I Lengar, né cai nyén adan cainé, nyén ngelah panaké, muah dija désan cainé, dadi cai bani clapat-clapat mai ka tengah alasé wayah padidian?"
Masaut I Lengar, "adan tiangé I Lengar, tiang tusing nawang mémé bapa, inget tiang uli cerik suba nglaku-laku, di jalan-jalan medem."
"Nah yan kéto ja Lengar, embok tusing ja nyidaang