Kesusastran Bali Purwa
masé tekén jarum masé!"
Di subané suud kapituturin I Bintang Lara, lantas ia majalan ngaba sibuh mas tekén jaum masé. Ngaja kanginan dogén pajalanné. Tan cerita di jalan, teked ia di binginé, dadi tuun ujané bales tur peteng dedet. Ditu lantas I Bintang Lara mémbon, ngepil di bongkol binginé. Buin kejepné teke widiadari ajaka lelima kayéh ditlagané. Béh, bengong pesan I Bintang Lara ningalin tingkah dedariné kayéh pakrubuk. Buin kejepné teka dedari buin dadua, né madan Déwi Gagarmayang lan Déwi Supraba.
Ceritanang timpalné ané maluan suba suud kayéh, tur kakedeng bajunné. Di subané bakatanga bajunné, lantas melahanga pesan ngengkebang.
Kacerita di subané dedari Supraba suu kayéh, ukana nyaluk baju, dadi tusing ada, lantas rereh ida masih tuara tepukina, ditu laut dedari Supraba ngandika, “dong nyén sih nyemak bajun tiangé, yén manusa yén memedi, dong ulihang ja!" Mara kéto, pangandikan dedariné, lantas I Bintang Lara pesu uli di bongkol binginné. Ditu dedari Supraba tengkejut.
I Bintang Lara lantas ngandika, "inggih Déwa, titiang sané ngambil klambin I Déwané."
"Yéeing kéto iba manusa ulihang ja bajun nirané apang nira nyidaang mulih ka suargan"
Matur I Bintang Lara, "inggih Déwa, yan kayun ja micaang gagak petak, titiang kayun ngantukang klambin I Déwane!" Mara kéto aturné lantas ngandika dedari Supraba, "Nah yén kéto, iba ngaba sibuh mas ajak jaum mas?"
"Inggih titiang makta." Raris katurang sibuh masé tekén jaum masé, lantas susun idané kocokcok apang pesu toyan susuné. Lantas medal toyan susun idané laut kawadahin sibuh mas, lantas kaicén I Bintang Lara sibuhé né misi toya susu. I Bintang Lara laut ngaturang klambiné tekén ni dedari. Ngandika ni dedari, "nah iba Bintang Lara, yadiapin iba ngulihang bajun nirané, nira tusing mulih, krana
