Kembang Rampe
wadah baase di pulune.
Gelisangsatua.Kacerita kebah kone kampidna IKolagan lantas kehkeha kone baase. Dening aeng kakrosokane di pulunne dingeha ben Men Kuwuk ungkabanga lantas tekep pulune. Mara ungkabanga kone tekepne, lantas makecos I Kolagan tur makeber ka dangin tukad ngalih memene.
I Siap Badeng ceritanan anak sai-sai kone ia slindeng-slindeng ditu di dangin tukad nylimbangin panakne. Jani mara teka I Kolagan kendel gati lantas memene. Ditu lantas panakne manuturang, nuturang Men Kuwuk dugase nyaplok batu, teken dugas ibanne nagih tampaha. Kedek kone pada pagrikgik nyama-nyamanne, madingehang tutur I Kolagane. Ditu lantas Men Kuwuk kagendingang, "Ngakngak ngikngik ngakngak, gigi pungak nyaplok batu". Keto dogen begbeg gagendingan I Siap Badenge, lantas dingeha teken Men Kuwuk uli dauh tukad.
"Dadi aeng jailne I Siap Badeng, adi cecekerina oke", keto abetne Men Kuwuk, masaut lantas I Siap Badeng.
"Men engken kone, ngagen nagih ngamah panak awake, payu batune bakat tegora". Keto abetne I Siap Badeng sambilanga nglegingang jit, lantas ia magedi.
2. Kidang teken Cekcek
Ada tuturan satua I Kidang Teken I Cecek.
Kacerita I Kidang nyangkepang timpal-timpalne. Di duur di langit-langit umah I Kidang sangkep sareng timpal-timpanyane, ada cek-cek abesik ngepil. Ri sedek I Kidang, nyingak lan ngenehang baduur, laut kanaine I Kidang baan enceh cek-ceke.
Doaning aketo dadi brangti I Kidang. laut kene munyine, "yeh ne iba cekcek, dadi keliwat langgia pesan iba tekening kai. Dadi iba ngencehin kai tur bani iba ngungkulin kai masangkepan. Buina kenken ento iba, saking iba mabudi matiang kai. Apa iba mabudi nandingin karirihan kaine.
22
