Kesusastran Bali Purwa
3. Sang Lutung teken Sang Kekua
Ada jatma pepondokan ajaka tetelu luh muani tekén pianakné luh bajang aukud, geginané tuah metetanduran, wireh setata karusuhan baan bojog. Lantas sadaya-daya pesuanga anggona ngejuk bojogé ento, ia ngaé santeb, umpanina baan jagung. Sedeng bojogé pada tuun ngalih amah, ada abesik né paling gedena gegéson nyagjagin jagungé. Mara jagungé kajemak, pacuntil santebe macuatan, santebé lantas ulung matangkeban, bojogeé sepanan melaib énggalan katekepin baan santebé. I pepondokan ngenot santebé matangkeban, enggalan ia nyagjaging, dapetanga santebé ngambah.
Raris bojogé kacangkling, nyadia bakal tampaha nyanan nyanjaanng, laut pejanga durin kubuné, tekepina baan guung. Suba lingsir teduh i pepondokan luh muani repot ngaé bakal basa di paoné. Disubane pragat reracikanne lantas pianakné ngulig di batu boréhané.
Gelising satua, saget pesu sang Kekua uli batan bantangé nyadia tuun ka pangkungé, sang Luntung laut macekohan, sang Kekua laut ia nolih tur ia nyagjag manesekin sambilanga matakon. Patakon sang Kekua, "eh cai sang Lutung, ento nguda cai dini?"
Masaut Lutungé, "apa tawang cai, kai lemesina tundena nganggon kurenan anake luh ane ngulig boreh ento, tekén bapanné. Kai tusing nyak, buina tusing pesan ada nyet makurenan, bakal pangantenan nyanan petengé. Nanging yén cai ada nyet, dadi masih cai nyilurin awaké, kéwala di panauran cainé masih awaké undang. Sang Kekua lebohan kenehné nyak tur masaut, "nah yén tuah dadi silurin, depang awaké nyilurin cai."
Masaut sang Lutung, "nah ungkabang guungané, lusin panyangklingan awaké, nyan cai bakal cangkling, bakal tekepin dini, apanga kadéna awaké. sang Kekua kendel kenehné, gupuh ia ngelusin panyangklingan sang Lutung.
25
