Kesusastran Bali Purwa
ipuné, samilah antuk galak ipuné, asing parek ulah ipuné ngantos miang sahananing paksi sané lianan. Samaliha ring dija genah paksiné mapupul, ipun i paksi Muun sareng irika mangremon.
Kabaos ipun paksi Lanjana, ri kala ipun ngindang ring awan, kagaok ngenot tingkah i paksi Muun punika, sarwi mataken sang Lanjana, "Eh né jeroné uli dija, tumbén tepuk tiang dini bareng ngalih teda, buina liwat degag tingkah jeroné."
Masaut sang Muun, "ah mapi-mapi iba tuuara nawang, degag tingkah ibané tekén kai, né tui ratuning paksi uli delod pasih."
Nimbal sang Lanjana, "tuin iba dadi Ratu, kai tuara samang maratu tekén iba, buina kai tondén taén kalah baan iba, tuin iba gedé, bacin ibané tuara gedénan tekén bacin kai, tuin iba makampid lumbang tusing kalah kai nyén matepuk makeber."
Sang Muun jengah ring déwék ningeh munyin sang Lanjana, raris masaut sang Muun "bobab mokak iba sesaman kedis kapecit nagih ngalahang kai, ukudan iba makejang tuah lamun bacin kainé.
Masaut malih sang Lanjana, "indaang iba meju apang kai nawang bacin ibané!"
Sang Muun raris meju, satsat kadi taluh bebek ageng bacin ipuné, sang Lanjana karag-kirig raris makecos nungkrik duur bacin keboné, sambilanga ipun mamunyi. Pamunyin sang Lanjana, "éh sang Muun, néné iwasain bacin kainé!". Sang Muun ipun bengong ngiwasin bacin sang Lanjana tur mrasa kaon. Masaut malih sang Muun, "nah saja kai kalah gedénan bacin ibané, indaang jalan jani tegeh-tegehan makeber!"
Nimbal sang Lanjana, "nah jalan, mai tugtug kai!" Ngraris ipun sang Lanjana ngrihinin makeber, sang Muun ngetut pakeberan ipun sang Lanjana. Di sapunapiné tampak
27
