Kembang Rampé
titiang, wiakti sakadi pangandikan palungguh Ratu. Awinang titiang purun ngedig kulkul selemah-lemah, wireh I Temisi setata ipun ileh-ileh ngaba umah. Inggih asapunapi patutné I Temisi asapunika?" Kéto atur ipun I Blatuk ring ida sang Prabu Singa. Dadi meneng ida sang Prabu ajahan, raris ngandika "oh kéto beneh saja unduk caine keto. Jani, dadi suba mulih enggal-enggal, tunden I Temisi mani seméngan mai ngapuriang, tusing dadi sangkeang sajawining sakit! I Blatuk laut mapamit ngénggalang.
Kacerita di jalan tepukina I Temisi ileh-ileh ngaba umahné. Lantas I Blatuk ngomong kéné, "yah, ne ko sedeng melaha, I Temisi tepukin icang dini."
Masaut I Temisi, "man ada apa Blatuk?
Masaut I Blatuk, "mani semengan sajawining gelem, cai kapangandikaang tangkil ka purian ulih ida sang Prabu, tusing dadi sangkéan!"
"Lamun keto icang ngiring sakadi pangandikan Idane." Laut I Temisi ngamulihang. Teked jumahné ia engsek kenehne tusing nyidaang pules kanti lemah. Sasubanné semengan, ia lantas makiré tangkil ka purian.
Tan kaceritanan suba enggal ia teked di purian, laut nangkil majeng ring ida sang Prabu, asapuniki aturné, "inggih Ratu sang Prabu punapi awinan palungguh Cokor I Déwa nembé pisan nauhin parekan sakadi titian?"
Ngandika ida sang Prabu, "cai Temisi awinan nira nauhin cai, né ada panguning I Blatuk tekenin nira, saja ke cai indeng-indeng ngaba umah?"
"Inggih, wiakti pisan sakadi pangandikan palunguh Cokor I Déwa. Santukan parekan palungguh Cokor I Dewa ipun punika I Kunang-kunang satata ileh-ileh ngaba api. Punika awinan titiang ileh-ileh ngaba umah. Ajerih pisan titiang yan umah titiange katunjel olih ipun I Kunang-kunang."
"Keto, jani dadi suba mulih, kewala orahin I Kunang
30
