Kesusastran Bali Purwa
ngodot tenunne."
"Beh magenep gati sangkene I Tuung Kuning, kema bin aIih, bin sep ngengken ia orahang ibane," keto abetne I Pudak. Majalan lantas kurenanne. Suba kone keto dapetanga lantas ia suba suud ngetep tenunne.
"Cening cening Tuung Kuning dong jalan mulih!"
"Enden malu Meme icang nu mambuh bin akesep dogen," keto pasautne I Tuung Kuning, mulihkone memene. Teked jumah, orahanga kone panakne nu mambuh.
"Nah sing sajaan, ada dogen sangkena I Tuung Kuning, kema buin alih yan sing nyak mulih, awake kema bakal ngaIih, bakal bragedeg tendasne bes ada dogen sangkane, "keto abetne I Pudak, buin lantas kurenanne ngalih pianakne.
Kacerita suba ia neked ditu, dapetanga kone pianakne suba nganggo sarwa putih, naen suba ia I Tuung Kuning Iakar matianga teken bapane. Mara memene neked ditu, ngomong lantas I Tuung Kuning, "Meme tuyuh Meme busan-busan ngalih tiang, nah jalan jani majalan mulih," keto abetne I Tuung Kuning, ngembeng-embeng kone yeh peningalan memene.
"Jalan cening, dong kema morahan teken dadonge malu!" Morahan kone lantas I Tuung Kuning teken dadongne, "Dadong, Dadong, tiang ngalahin Dadong jani. Tiang meh sing malipetan apa jenanga buin mai ngidih nasi teken Dadong. Tiang pedas suba matianga teken I Bapa. Nah dumadak ja Dadong apang makelo idup, tiang ngalahin Dadong maluan," keto abetne I Tuung Kuning, ngeling kone lantas dadongne.
"Nah kema cening mulih di bebengan kenene nyai lacur madadong teken dadong, tusing nyidaang dadong ngelidang kipatian nyaine. Nah mejalan nyai melah-melah! Ne ada pagaen nyaine dadong ngidih, idepang dadong ngajak nyai jumah," keto abet dadongne sajaan lantas ditu I Tuung Kuning atehanga teken memene.
37
