Kembang Rampe
Tan kacerita di jalan, suba kone neked jumah, mara nengok kone ia suba bangun kone bapanne.
"Ne, I Tuung Kuning?"
"O, ne suba i cening Beli Wayan."
"Jalan luas jani Tuung Kuning ajak bapa," keto abetne bapanne. Kacerita pajalanne I Tuung Kuning ajaka bapanne suba neked di alase, matakon kone I Tuung Kuning teken bapanne, "Bapa, teked dija pejalanne luas?
"Ne teked badajanne buin abedik,"keto pesaut bapanne. Suba kone badajane buin metakon I Tuung Kuning.
"Nu joh Bapa?"
"Ne dini ba dajan buin abedik," keto kone pasaut bapanne. Nu dogen pajalanne ngatengahang di alase.
Kacerita nepukin lantas meru di jabaanne ada kone punyan bingin gede, ditu lantas I Tuung Kuning rerenanga teken bapanne.
"Dini suba mreren Tuung Kuning!" Nah da nyai buin ngliunang omong, nyai lakar anggo bapa amah-amahan siap, salah nyai ne baan nyai tumbuh dadi jlema luh."
"Nah lautang Bapa, matiang titian! Anak Bapa nguasaang dewek tiange buka angganiang pamula-mulaan, anak Bapa mamula lamun bapa lakar ngabut, tiang sing ja lakar mapalawan. Nah lautang suba Bapa.! Keto abetne I Tuungm Kuning.
Kacerita jani dedarine di kedewataan nyingakin I Tuung Kuning nagih matianga teken bapane. Beh pedalem ja I Tuung Kuning, anak tusing ngelah salah dadi nagih matianga. "Ah bakal tulungin kone ia," keto pangandikan dedarine lantas tuun.
Kacerita akijapan ida suba neked di tongos I Tuung Kuninge. Mara sempal baana blakas I Tuung Kunign teken bapanne, I Tuung Kunign saupa teken dedarine, I Tuung Kunign silurina aji gedebong. Laut keberanga lantas I Tuung Kunign teken dedarine ajaka ka suargan. To gedebonge dadi
38
