Kesusastran Bali Purwa
pagantin I Tuung Kuning, bapane bengong ningalin unduke keto. Anggen ngilangan jengahne, gedebonge ento kone tekteka, suba dekdek abana lantas ia mulih.
Tan kacerita di jalan, neked kone suba jumahne, lantas baangina siapne gedebong ngamah pada mabedik. Ya suud ngamah, mati lantas siapne makejang. Sasubane mati siapne, dadi mara I Pudak inget teken panakne. Ngeling lantas ia masesambatan ngame-ame panak. "Dong yan apa makada, dadi bakat matiang i cening, jani dija alih pianak titiange?" Nah liu omongne I Pudak nyelselang awak, not-nota dogen pianakne, asana ditu kone di batan bingine di tongose ia matiang, pianakne cara ngeling. I Pudak sing nyidaang nanggehang ingih atine, lantas ka alase sig tongose ngamatiang panakne.
Kacerita suba jani neked ditu, I Pudak ngeling maguyang ngame-ame panak, kanti bulanan nu dogen I Pudak ditu sedih tusing madaar-daar, kanti berag tuh suba awakne. Bokne suba gempel.
Jani kacerita I Tuung Kuning. Dong pedalem pesan ja bapan keto pangandikan dedarine, tur atehanga lantas I Tuung Kuning tuun. Akliengan, teked kone suba beten. Enceganga dogen I Tuung Kuning kalahina lantas teken dedarine menek. Jani I Tuung Kuning, paakina kone lantas bapanne, dapetanga bapanne makakeb di bokol baingine ngeling sluguk-sluguk.
"Bapa, Bapa, suud Bapa sedih, tiang nak tusing mati, jalan mulih!" Keto abetne I Tuung Kuning, sungkab bulun bapanne mara dingeha munyin panakne, ia lantas matolihan. Mara tingalina panakne di sampingne, tan mari-mari kendelne. Panakne kasaup peluka tur pangelingina. "Cening, cening Tuung Kuning, tusing taen bapa ngelah nyet teken cening buin idup. Amonto bikas bapane, nu masih cening inget teken bapa."
"Tiang nak tusing mati Bapa, anak Widine sueca gati
39
