Kembang Rampe
teken tiang Bapa, sangkal tiang tusing mati. Nah pabawakin suba raose, jalan mulih apang enggal tiang nepukin meme!" Keto abetne I Tuung Kuning, lantas I Tuung Kuning mulih ajaka bapanne.
Tan kacerita di jalan, suba teked dijumahne. Beh aeng kendel memene mara teka I Tuung Kuning. Geluta lantas I Tuung Kuning wireh maorta suba mati laut teka. Dadi liu tuturne I Tuung Kuning teken anake madelokan kema, nuturang tingkah dewekne ajaka luas teken bapanne. Ngon pesan pada anake madingehang tuturne I Tuung Kuning, buung mati tur tawang suargan. Amiug lantas ortane kanti neked ka puri, indik I Tuung Kuning nawang suargan. Ortane lantas kapireng teken Ida Anake Agung. Dening meled pesan Ida mirengang tutur I Tuung Kuning, lantas Pan Tuung Kuning kasengin apang ngatehang pianakne ke puri.
Kacerita Pan Tuung Kuning ajaka pianakne sampun di puri. Anake Agung ngandika lantas mangda I Tuung Kuning nuturang tatingkahan suargane sabates sane tepukina. I Tuung Kuning nuturang saparitingkah lan kaasrian suargane.
Miragi tuturan lan nyingakin pangadeg I Tuung Kuninge jegeg, lantas Anake Agung manahne kadudut. Tan mresidayang nanggehang keneh Anake Agung teken kajegegan I Tuung Kuninge. Lantas ngandika teken bapanne "cai Pan Tuung Kuning, ne panak caine depang suba dini, gelah ngidih bakal anggon kurenan," keto pangandikan Idane. Pan Tuung Kuning tusing bakal nolak.
Kacerita dadi rabi lantas I Tuung Kuning, to bapane lantas kaicen pangkat prebekel.
7. Pan Tuung Kuning teken Men Tuung Kuning
Ada tuturan satua Pan Tuung Kuning teken Men Tuung Kuning. Pan Tuung Kuning anteng pesan mabianan ajaka kurenanne,
40
