Kembang Rampé
baan lesung, kéné sing ngealah baas lakar jakan jani!", kéto omong mémé bapanné. Sawiréh kéto pabesen méméné, I Bawang I Kesuna sanggup lakar nebuk. Jani suba koné malajan méméné, kaukina lantas I Bawang tekén embokné.
"Bawang Bawang, né suba tengai, dong jalan tuunang padiné." Mesaut I Bawang, "tuunang, tuunang je malu, nyanan oké ja ngetepin." Dening kéto pesautné I Bawang, ménék lantas I Kesuna ka glebegé nuunang padi. Suba tuun padiné, kaukina lantas I Bawang, "Bawang, Bawang, Bawang, né suba betén padiné dong mai getepin!".
"Getepin, getepin ja malu, nyanan oké ja nyemuh", kéto abetné I Bawang, lantas getepina koné padiné tekén I Kesuna, suba pragat I Kesuna ngetepin padi, kaukina buin I Bawang, "Bawang, Bawang, dong jemuh padiné!"
"Jemuh-jemuh ja malu, nyanan oké ja mempen ka katunganné." Jemuha lantas koné padinné tekén I Kesuna. Cerita suba tuh padiné buin koné kaukina I Bawang, "Bawang, Bawang, padiné suba tuh, dong penpen ka katunganné!".
Masaut I Bawang, "penpen-penpen ja malu, nyanan oké ja nebuk." Naros koné masih I Kesuna nyak menpen padi. Suba peragat menpen, kaukina koné buin adinné, "Bawang, Bawang dong mai tebuk!"
"Tebuk, tebuk ja malu, nyanan oké ja napinin." Tebuka koné padinné tekén I Kesuna, Suba pragat I Kesuna nebukin, buin koné ia makaukan, "Bawang, Bawang, né suba telah dekdek padiné dong mai tapinin!"
"Tapinin-tapinin ja malu, nyanan oké ja nglesung." Nyak koné masih I Kesuna napinin. Suba koné dadi jijih, tundena lantas I Bawang nglesung, tusing koné nyak I Bawang.
Kacerita suba dadi baas pragat I Kesuna dogén koné ngarap totonan, tundena koné adinné ngaba mulihan tusing koné masih nyak I Bawang. Dening bes kanarosanné I Kesuna, lantas ngaba baase mulihan.
