Kembang Rampé
lingsir, makayun Ida mantuk saha ngandikain parekan, "Angklung Gadang, cawisang jaranné, étéh-étéhin, gelah lakar mulih né jani!"
Angklung Gadang matur, "inggih." Laut bangun ngénggalang nyemak jaran tur kaétéh-étéhin. Di subané pragat, lantas ia matur, "inggih Ratu Déwa Agung, puniki sampun puput antuk titiang, durusang Cokor I Déwa munggah!" Lantas Ida Anaké Agung nglinggihin kuda, adéng-adéng pamarginé kairing Pan Angklung Gadang sambilanga negen kompék pacanangan.
Kacerita suba koné jani rauh di tepin désané, kandugi ada pacepolpol uli jarané. Mara ajinanga tekén Pan Angklung Gadang, lantas encol ia manuduk tur kapenpen saking kompék pacanangané, tur kategen laut majalan. Nglajur pamargin Ida, ceritanan rauh suba di bancingah, raris tedun Ida saking kuda, mangraris Ida ka purian. Kompékéné tegen Pan Angklung Gadang lantas timbalina tekén panyeroané tur kagenahang di balén di ambéné. Pan Angklung Gadang ngembusin étéh-étéh jarané ngalut nyutsut peluhné.
Kacerita jani Ida Anaké Agung mlinggih di baléné makayunan ngrayunang canang, laut Ida ngungkabang kompék. Dadianya kacingak antuk Ida, kompék pacanangané bek masegseg misi tain jaran, kandugi caneg Ida, tur menggah pesan, saha nauhin Pan Angklung Gadang.
Egar kenehnyané Pan Angklung Gadang parek masila tiding, kasengguh lakar kaicén lungsuran. Mara masila tur nunas lugra, kandugi Ida ngadeg nglaut ninjak tendas Pan Angklung Gadangé kadulurin mangandika banggras, "kaki kléwaran ibané ngajahin sangkan bisa iba menpenin kompék gelahé tain jaran?"
Mara amonto Ida ngandika, buin ningtingang cokor, buin ngingting cokor ukuh ninjak enggalan kagelut cokor Idané tekén Pan Angklung Gadang, saha matur "duaning Cokor I Déwangandikain titiang, lamun ada ulung uli jaranné,
