Kembang Rampé
Giur nyemak pipis, tur suba bayahanga tekén Pan Angklung Gadang. Lantas prajani Pan Angklung Gadang mungkah utangné, di banjar, sangkan buung maadep umahné.
Gelising satua, suba koné jani gegaéné I Giur. Tamiuné mabered koné pada teka luh muani liu pesan. Nanging anaké ngopin makejang tusing baanga nyakan. Kenehné I Giur kumandel pesan tekén tungkedné lakaar ngadaang bé, nasi muah jukut.
Nah suba koné tengai, jani suba masan naké madaar, I Giur ninggarang kesaktian tungkedné, laut asepin tungkedné tur ngaukin ancangan ajaka adasa né lakar tundéna nuduk nasiné muah lawarné. Lantas I Giur nunas nasi adasa sok, laut nyalamparang tungkedné, "nguer, krempeng", kaget sémbé belah, buin nylamparang tungkedné, kena pepelangan tamiune, macabcaban pesu getih kanti klénger. Mara jagjagina di langgatan mambengé tekén ancangané, tuara ada bebedag.
Buin jani I Giur nylamparang tungked né kapaon, tur nundén ancanganné nuduk lawar, "ngwer, gdabuang, cubek, payuk, kekeb, onya belah kena tungked. Pagrudug ancangané nyiliksik ngalih-alihin lawar, masih tuara nepukin lud sajawining belahan perabot mekacakan di paon.
Jani buin keselamparang tungkedné ka glebegé. Dadi buka tujuang ditu singala pianakné I Giur né maotonan. "nguer", klentang", kena numpel tendas pianakné, ngjetjet laut mati.
Tamiunné makejang paklingus tuara baanga nasi, ia nglidkid mulih tusing morahan. I Giur engsek pesan makeneh jani, déning bes kaliunan jani taenanga, lén dadi ucapan baana bakat uluk-uluka tekén Pan Angklung Gadang, pipisné bakatanga lebak sepaa. Buin ia nekaang tamiu tusing nyidaang ngemaang nasi. Len prabot telah belah kena tungked. Jani buin pianak mati mara ukana maotonan. Ento krana puret kenehné I Giur, ngingetang paundukané jani
72
