Kesusastran Bali Purwa
panjak-panjak palungguh cokor I Déwa, mangda sampunang Ida Batara banget menggah pamiduka."
"Nah lamun kéto ja keneh cainé, kema tegarang néduh ka pura Dalem. Sing ada kapo pakayunan ida Betara tekén nira, nira lakar ngiring dogénan. Nah antiang dini malu akejep, nira nu nundén panyeroané ngaé banten. Apang nyidaang maturan bantené, cai nyen ngaturang ajak I Mangku Dalem ka pura!
"Inggih." kéto aturné I Pucung.
Gelising satua, sasubané pragat bantené, majalan lantas I Pucung nyuun banten, ngojog kumah pamangkuné,
"Jero mangku, Jero mangku, tiang nikaanga mriki ring ida sang Prabu, ring pura Dalem. Samalihipun banten puniki jeroné kandikaang makta ka pura. Tiang mapamit dumun abosbos jaga kayéh”, akéto baan melog-melog Jero Mangku tekén I Pucung, lantas ia ngenggalang ka pura Dalem tur ngenggalang macelep sig gedongané ané tanggu kelod. Sawetara ada suba apanginangan ia nongos ditu, rauh lantas Jero Mangku makta banten tur ngojog sig tongos I Pucungé ngoyong. Ditu lantas Jero Mangku ngaturang banten tur nunas tekén Ida Betara mangdené guminé di Koripan karahayuan.
Susabanné Jero Mangku suud ngantebang, ngomong lantas I Pucung uli tengahan gedongé. Mapi-mapi ia dadi Betara, kéné koné munyiné, "ih iba Bapa Mangku, nyén nunden iba mai maturan, nunas kaluputan tekén manira?"
Masaur Jero Mangku, "inggih titiang kandikaang antuk pramas palungguh Betara, Ida Sang Prabu nunas kaluputan ring palungguh Galuh." Déning, kéto munyin I Pucungé kadéna pangandikan ida Betara, déning pantuné wau embud puyung kalih asuné wau lekad ipun buta."
Buin ngomong I Pucung, "ih Bapa Mangku, nira ngiangin lakar kaluputan nanging yan Ida ngaturan okané ida Radén Daluh!" Déning kéto munyin I Pucungé waluya
75
