Kesusastran Bali Purwa
lakar kaisinan idepné nganggon Radén Galuh kurenan.
Matur buin I Pucung, "inggih yan asapunika pakayun palungguh cokor I Déwa, margi rahinané mangkin Ratu, aturang ida, putran cokor I Déwa ring ida Betara mangda gelis ida rauh. Ditu lantas ida sang Prabu ngandikain parekan ngandikaang ngaturin okané lanang ida Radén Mantri ri sada kala di jabaan, kandikaang mangda ngapuriang! Parekan ka jabaan ngaturin ida Radén Mantri. Ida Radén Mantri raris ngapuriang tangkil ring ajiné.
Maturida Radén Mantri," inggih yan sampun asapunika pakayun guru aji, titiang tan panjang atur malih. Lédang té pakayunan guru aji kawéntenané."
Déning akéto aturné Ida Radén Mantri, lantas I Patih kandikaang nuunang peti lakar genah I Radén Galuh. Sasubané ida Radén Galuh magenah di petiné, lantas petiné kancinga tur seregné tegulanga di duur petina.
Ngandika ida sang Prabu, "ih iba Pucung, nah né suba pragat ianak Galuh mwadah peti, kema suba tegen petiné aba ka pura Dalem aturang i nanak Galuh tekén ida Betara. Né serege di duur mategul. Da pesan iba nyemak serege né, depin dogén dini, santondén ibané nganteg di pura. Buin ingetang pabesen nirané, singa iba makita manjus nyén di jalan pejang petiné di duur pundukané tur seregné depang masih ditu mategul!"
"Inggih", kéto aturné I Pucung lantas ia majalan negen peti misi ida Radén Galuh.
Beh magretgotan koné ia negen petiné ento. Ban kendelné bes sanget lakar maan kurenan okan ida sang Prabu, dadi sing koné asena baat. Di jalan nepukin lantas ia tukad ditu ia mrérén di duur tukadé, déning ia makita manjus. Di makirénné ia tuun lakar kayéh, matur koné ia tekén Radén Galuh, "Ratu Radén Galuh cokor I Déwa driki dumun, kénakan kayuné driki. Titiang ninggalin cokor I Déwa ajebos, titiang jaga tuunan manjus, déning ongkeb pesan tan dugi
77
