Kembang Rampé
men meli bébék ané mokoh-mokoh, tur baat-baat beli. Né pipis aba. Nah kema suba cai majalan ka peken!" Kéto abet kurenanné. Pan Belog anak mula ia jlema kliwat belog pesan, tusing mawuwuh-wuwuh kabeloganné, krana ia tusing pesan taén bareng-bareng ngajak anak ririh mapaomongan. Kalingké ia maan mapaomongan ngajak anak lén, kadirasa ia ngenot dogén ia suba takut. Nangingké ia tusing bani tulak tekén pamunyin kurenanné. Kénkén ja pangunduh kurenanné setata ia takut dogén. Ditu lantas ia ka peken.
Kacerita sanapaké ia di peken, nglaut ia ngojog dagang bébék. Teked ditu, tusing ja ia makeneh nakonang ajin bébék, wiadin nawah, sakéwala kéné koné munyinné tekén dagang bébék, "jero ngenjuhang ringgit akéténg," nangingké Pan Belog tusing nawang ento madan ringgit. I dagang bébék ngon ia tekén tingkah anaké mablanja buka kéto, tuara nakonang aji malu, jeg maang pipis, tur nagih bébék. Nanging mara tawanga tekén I dagang bébék Pan Belog jlema deeng, ditu lantas makenyir tur encol lantas ia maang Pan Belog bébék, ané mokoh-mokoh tur baat-baat dadua. Pan Belog nyemakin bébéké ento tur lantas ia malipetan mulih, tusing ia buin nagih i dagang panyusuk.
Kacerita pajalan Pan Belog ngamulihang, ngentasin tukad linggah, sawetara mara ia néked di tengah tukadé, laut ngeleb bébékné makadadua, tur lantas nglangi. Pan Belog ia ngenot tingkah bébéké buka kéto, laut ngrengkeng
padidiana. "Beh, aéng ja jailnné dagang bébéké ento tekén déwéké, awaké nagih bébék maisi, nget bulu dogén awaké adepina. Aéng ja dueg dagangé ento melog-melog déwéké." Suud kéto, lantas bébéké ento ulaha. Suba ia neked jumahné, kurenanné maekin sawiréh tuara ngaba bébék, laut ia matakon, "ih Bapanné, ento dadi cai matalang mulih dija bébéké, sing maan cai meli bébék kéto?"
Mesaut Pan Belog, "maan ja icang meli bébék, nanging bébék puyung adepina tekén dagangé. Jani suba ia kakutang
