Kembang Rampė
Mén Tiwas ngalihin Mén Sugih kutu.
Kacerita suba né suud, upahina koné Mén Tiwas baas acrongcong, prajanian lantas tepenga tekén Mén Tiwas. Mara Mén Tiwasé nitisin tepenga, kacerita Mén Sugih genitanga sirahné, mara siksika, kaget bakatanga panak kutu abesik. Ditu lantas Mén Sugih ngénggalang ngalih Mén Tiwas ngédéngang kutunné.
"Mén Tiwas, Mén Tiwas! Kénkén sing Mén Tiwas ngalihin kutu. Né oké maan klutu buin abesik. Mai ulihang baas okéné!"
Masaut Mén Tiwas, "baas emboka suba katepeng icang, né apa mara titisin icing."
"Suba matepeng ja baang okéné, tepeng bakal juang oké". Juanga koné lantas tepengné tuting payukné gosonga tekén Mén Sugih abana mulihné. Teked lantas bréokanga di amah-amahan céléngné. Mén Tiwas sengang ngajak pianak somah ngeling paclenguk, kangen tekén déwékné lacur.
Kacerita mani semenganné, luas koné Mén Tiwas ajaka pianakné maka dadua ka alasé praya ngalih saang, ngaba blakas. Di alasé nektek lantas ia saang. Tek......tek... .tek, klencong. Kecong koné blakasné. Benahina lantas belakasné. Suba pragat, mara tektekanga, buin koné kecong, mrérén lantas Mén Tiwas matektekan, negak di duur bantangan kayu maselselan, nyelselang buat kalacuran déwékné. Mara sedekan ia bengong, kagét ada koné kidang putih maakin Mén Tiwas, tur ngomong koné kidangé ento, "seluk jit kuné,
seluk jit kuné!"
Masaut Mén Tiwas, "tiang tusing ja bani nyeluk jit jreoné". Buin koné maak-maakang kidangé, begbeg kéto dogén munyin kidangé, Mén Tiwas tundena nyeluk jitné. Mén Tiwas jeg nabah ati, seluka lantas jit kidange. Mara pesuanga limanné, pabrusbus pesu pipis uli jit kidangé.
"Buin di tengah seluk!", kéto buin mamunyi kidangé. Buin lantas seluka jit kidangé. Mara oméda limanné, pesu
