Kesusastran Bali Purwa
mas-masan, luire: gelang, bungkung masesocan melah-melah. Suba koné liu kidangéento mesuang mas pipis, lantas kidangé ento ilang. Mén Tiwas saha pianakné kendel pesan, lantas ia mulih mabrongkongan ngaba pipis ajaka tatelu. Suba néked jumahné, Mén Tiwas prajani meli baas muah daran nasi ka peken. Pianakné epot ngendihang api di paon. Pan Tiwas dugaséento tuara jumah. Mara ia mulih, dapetanga suba ada nasi lebeng. Ditu lantas ajaka makejang madaar, sambilanga matutur-tuturan, nuturang paundukanné nemu
bagia di alasé.
Buin maninné semengan Mén Tiwas suba nyakan, dugasé ento nuju pianak Mén Sugihé melali kema, tingalina paon Mén Tiwas makupuk, lantas ia ngenggalang mulih, morahan tekén méménné. "I busan icang melali ka umah
Mén Tiwasé, tingalin icang paoné makupuk."
Masaut méménné, "ah, masa nyén kali jani ia nyidaang nyakan. Apa to jenénga engseba".
"Tusing, sekala icang ningalin Mén Tiwas ngaba baas ka paon. Tegarang ja mama kema nelokin!" Kema lantas Mén Sugih kumah Mén Tiwas. Mara ia teked ditu, dapetanga pianak Mén Tiwasé makadadua nganggo mas-masan. Ditu lantas Mén Sugih tengkejut.
"Ih né dija nyai maan kéné-kéné, baan nyai mamaling?"
Masaut pianak Mén Tiwas, "tusing, icag maan di alasé, sedeng icang ngalih saang ajak mémén icangé"
Déning uyut dingeha tekén Mén Tiwas uli di paon, lantas ia nyagjag ka ampiké, dapetanga Mén Sugih makéya ajaka pianakné. Ditu lantas nlantarang paundukanné maan mas-masan di alasé, tuturanga uli ia nnektek saang aji blakas kecong-kecongan. Mén Sugih iri pesan mara madingehang tutur Mén Tiwasé buka kéto, prajanian ia mulih ngorta tekén kurenanné.
"Bapanné, Bapanné suba nawang, Mén Tiwas nemu
