Kembang Rampé
bagia ibi di alasé sedekan ia ngalih saang laut nepukin kidang putih, tur kidangé ento nundén Mén Tiwas nyeluk jitné. Mara seluka jit kidange ento, laut pesu mas-masan uli tengah basang kidangé. Ané buin mani icang lakar ka alase ajak i cening, singnya kaget ada pasuécan Widi, nepukin kidang
buka Mén Tiwasé ibi".
Masaut né muani, "Méménné, yan dadi baan oké, da nyai ka alasé, joh nyai bakal nepukin Widi buka kéto. Buinné, né gelah-gelah i déwéké ané ada jani, rasa tuara telah baan naar sakayang-kayang. Bakal gena sih ento patuutin?", kéto panglémék Pan Sugihé tekén kurenanné. Ané luh masih mrereng lakar luas ka alasé.
Kacerita buin mani semengan, payu koné Mén Sugih ajaka pianakné ngaba blakas kecong-kecongan, kenehné apang patuh pesan buka pajalan I Tiwasé. Suba koné teked di alasé, lantas Mén Sugih nektek saang. Sabilang tektekanga blakasé, kecong. Buin kejepné teka lantas I Kidang nunden Mén Sugih nyeluk jitné.
"Seluk jitné kuné!" Mara acepok mamunyi kidangé ento, Mén Sugih ngénggalang nrojog, sahasa nyeluk jit kidangé. Mara pesan macelep liman Mén Sugih di jitné, lantas kijemanga jit kidangé. Mén Sugih lantas pelaibanga ka ebeté. Mén Sugih tulung-tulung, jerit-jerit, kasakitan maered ludin antep-antepanga di punyan kayuné. Pianakné malaib mulih, maorahan tekén bapanné.
"Dong dayanin, dong dayanin," Begbeg kéto dogén munyin Pan Sugihé sambilanga malaib nyagjagin kurenanné.
Makelo alih-aliha Mén Sugih di tengah alasé, pamragat tepukina kesul-kesul di tengah punyan kétkété, gruguh-gruguh naenang sakit, awakné talah babak belur. Mén Sugih tuara pegat-pegat maselselan, nyelselang buat kalacuranné buka kéto.
