Kesusastran Bali Purwa
I Bagus Diarsa buin ngomong, “nah yén suba cening nyak, buin mani cening bareng anaké odah ka kubu!”
Sasubané anaké cerik ngiring, lantas anaké odah buin ngomong, “cening Bagus Diarsa tegarang kema alih bulun siapé telung katih!” I Bagus Diarsa ngénggalang ngalih bulun siap tur katurin anaké odah.
Anaké odah lantas ngomong, “nah cening, né kema celekang di sanggah pangijengané. Buin pidan, yén cening makeneh nelokin pianak ceningé, buluné dogén tuutin, teked suba cening sig kubun pekaké!”
I Bagus Diarsa lantas masaut, “inggih bénjangan titiang pacang mrika”. Suud ia ngomong kéto, lantas bulun siapé ento celekanga di sangggah pangijengé. Sasubané peteng, lantas I Bagus Diarsa ngaturin anaké odah merem, tur ia mapamit lakar pules.
Buin maniné nu ruput suba anaké odah bangun, anaké cerik masih kadundun. Di subané lakar majalan anaké odah lantas ngomong, “Putu, kema mapamit malu tekén bapa!” Anaké cerik ngénggalang nundun Bapanné, lantas ia ngomong sambilangan nyumbah, “inggih Mémé, Bapa mangkin tiang mapamit”.
Reramané lantas masaut, “nah kema, melah-melah cening majalan, da nyén, cening kual-kual ditu, sapatuduh anaké odah da Cening tulak!”
Sasuban bapanné suud nuturin panakné, tur anaké odah suba suud morahan tekén I Bagus Diarsa, lantas ia majalan. Kocap pajalanné terus dogén, menék gunung, tuun jurang nglupsup ka tengah-tengah alasé, tusing mrérén-rérén. Anaké cerik tusing pesan ja ngasén kenyel. Sinah sawat pajalanné, nget teked ia di muncuk gunungé.
Anaké odah lantas ngomong, “nah, jalan dini mrérén malu. Buin kesep dong teked jumah!” Anaké odah tekén anaké cerik lantas mrérén.
Tusing makelo ia négak, lantas anaké odah ngomong,
87
