Kembang Rampé
“cening, nyén sujatiné pekak, tawang cening? Nah yén cai tusing nawang, pekak suba Betara Siwa. Suud anaké odah ngomong kéto, lantas ia masiluman dadi Betara Siwa. Buin kesepné, rauh watek Resigana mendakin Ida Betara. Ida Betara lantas ngandika, “inggih Resi makejang, kema lukat anaké cerik né, apang dadi ajak bareng ka Suargan!”
Sasubané anaké cerik ento kalukat, lantas Ida Betara munggah ka joliné ngraris mamarga, kairing antuk Resigana makejang, ping kalih anaké cerik. Kacerita suba rauh di Siwaloka, angob anaké cerik ningalin buat kamelahan puriné, matembok mas, majlijih baan inten. Ida Betara Siwa kalintang ledang pesan tekén anak cerik ento.
Nengakena ring Siwaloka. Kacerita jani I Bagus Diarsa jumahné. Buat sasolahanné jani, patuh dogén cara ané suba-suba, tusing taén ninggalin tajén. la tusing pesan taén inget wiadin maselselan mara katinggal tekén panakné. Ping kalih ané luh masih kéto. I Bagus Diarsa tusing taén menang matajén, jeg kocapan kalah dogén. Tusing taén ia nglipetang pipis.
Kacerita jani di bancingah lakar ada tajén ramé. Anaké Agung nauhin parekané apang ngadu ka bancingah ategen. Nyén ja ané tusing ngadu, kena dosa siu. Yan aukud dogén ngaba siap, limang atus dosané. Dadi anaké makejang mreténin siapné lakar aduna di bancingah.
Jani ceritaang I Bagus Diarsa kalintang kéweh kenehné krana ia tusing ngelah siap. Sawiréh bin petang dinanné lakar tajéné, masih ia tusing ngelah siap. Lantas ia ngomong tekén kurenanné, “mén cening, ngléksa malu bedik, apa buin mani lakar ka kubun anaké odah ngalih siap, sambilang nelokin i cening. Suba makelo ia ditu, tusing taén nelokin”. Kurenanné lantas ngléksa, tur pempena ka kompéké.
Buin maninné semangan pesan lantas jemaka bulun siapé tur lébanga. Bulun siapé ento lantas tututina tekén I Bagus Diarsa. ulun siapé ento terus makeber, tur I Bagus
88
