Kembang Rampé
Prabu.” Siapé ané makruyukan tanggu duri katlektekang pesan ulesné. Sasubané ia waspada lantas ia tangkil ring Ida Betara. I Bagus Diarsa lantas matur, “inggih Ratu Paduka Betara, titiang nglungsur ayam duené asiki, sané matekep pinih lena”.
Ida Betara malih ngandika, “nah juang!” Sasubané makelo ia tangkil, lantas ia nunas mapamit.
Ida Betara malih ngandika, “cai Diarsa, kema alap bungané di merajan, to anggon toh!” I Bagus Diarsa matur sairing, tur raris ia ngalap bunga, bongkosa baan saputné. Dimakiré ia majalan. Ida Betara buin ngandika, “ih Diarsa, kema ambahin beneng kauh, da cai mlékok-lékok, teked suba cai jumah!”
I Bagus Diarsa ia nuut sapangandikan Ida Betara. Tusing makelo di jalan, sagét teked jumahné. Ané luh kendel pisan kenehné, mara kurenanné teka, lantas ia matakon, “kénkén beli, seger I cening?”
I Bagus Diarsa lantas masaut, “apa seger, anaké odah ento Betara Siwa nyén. I cening jani ditu mamarekan’. Kurenanné ngon mara ningeh munyin Bagus Diarsa kéto. Jani I Bagus ngénggalang ka peken meli guungan anggona nekepin siapné. Tur bungané pejanga sig bokorané. Nyanané I Bagus Diarsa nuturang tekén ané luh.
Jani ceritaang tajené di bancingah suba paek, makejang anaké pada ngayah lakar menain kalanganné. Buin mani lakat tajén, petengné anaké pada ngecelin siapné. Soroh dagagangé suba pada itep menain daganganné, apang ada adepe buin mani.
Kacerita jani suba semengan, anaké suba tragia ngaba siap, tur soroh klian muah perebekel makejang pada itep ngitungang anaké ané ngaba siap, ané patut dosa miwah ané tusing dosa. Sasubané makejang pada teka, lantas anaké ngawitin nandingang siap. I Bagus Diarsa masih nyeluk siapné, sambilang anjurina siap anaké, makejang jerihina. Liu
90
