mawuwuh maakang dogen, ngangsan mlinggih teken Luh Gading. Luh Gading kunuk magarapan di bucu padet, tuara ngrunguang apa. Ngae jaja masih ia paling duega, tur paling becata. Dadi angob pakayunanidane, kabatek baan tawah-tawah tetangkepne Luh Gading magarapan, buina makejang melahan dogen teken anake len-lenan gegarapne. Jani buin Luh Gading kapangandikaang nyatua. Ditu lantas Luh Gading nyatua, nyatuaang unduk Anake Agung di Daha miasa nunas oka, lantas madue oka mrupa payuk lantas kakutang, wireh kabaos ngletehin gumi, tur kaduduk baan Meme Tiwas. Mara teked ditu satuanne Luh Gading lantas ia ngeling tusing nyidaang nglanturang satuanne, wireh eling teken paindikan- ne. Ida Raden Mantri sayan nesekang mlinggih, lantas cingakina Luh Gading ngeling, lantas Ida ngandika, "Yeh kenapa dadi ngeling? Dong lantasang satuane!" Luh Gading masih nu ngeling, tuara ngiring nglanturang satuane. Mara keto undukne Luh Gading, dadi Ida meling teken ajine di sametonan maorta madue oka payuk tur sampun kakutang. Sawireh keto, lantas kapangandikaang ngalih I Tiwas luh muani. Satekede I Tiwas makadadua di puri, lantas ia kandikain, katugesang pesan baan Raden Mantri, unduke ia ngelah pianak Ni Luh Gading. Buina yan ia tusing nyak nuturang amun- amunne, lakar matianga. Wireh takut I Tiwas mati, lantas aturanga sakadi-kadinne uli pangawit kayang panyuud. Mara pegat satuan I Tiwase keto, lantas Luh Gading saupa baan Raden Mantri tur pepasihina.
"Beh, dong kalingane Adi mula misan Beli saling kodagang, dadi Adi nyilibang raga. Nah jani jalan Adi ka purian tangkil teken Aji!". Sang kalih lantas mamargi madandan tangan. Ida Raden Galuh tan mari nangis. Anake ngae jaja makejang pada ngiringang.
Gelising satua unduke buka keto suba katur teken Anake Agung di Daha, ledang pesan pakayunan Ida Sang Prabu, mirengang orta, okane suba di Koripan kaduduk, lantas Ida lunga ka Koripan, tur ngaksama teken okanidane, baan Ida ngutang ane malu.
Suening asue, dening Ida Raden Mantri Koripan suba anom, Ida Raden Galuh Daha suba masih tutug duur, lantas kabuncingang. Abulan pitung dina rame-ramene di Koripan. Lemah peteng tuara mreren. Sasuban okane suud mabuncing, mara budal Ida Sang Prabu Daha, dening pakayunane suba pada ledang.
-98-
