Jani kacrita buin Ida Anake Agung ngati-ati I Lengar. Ngutus
Ida Patih tusing ada ortana. Ngutus Ida para Punggawa, masih
tusing rauh. Jani ngutus lantas Ida parekan dadua ngalih I Lengar.
Kacrita majalan kone suba parekane. Tan kacrita di jalan
teked masih parekane di desa Tegalanyar. Mara dogen napak di
bancingah, teke bengor prejanian bungutne makadadua, Ngepah
kone bareng ditu kanti rebut buyung bungutne.
Jani kacrita buin Ida Anake Agung wireh encep masih parek-
ane, panyeroan Idane lantas kapangandikaang makejang ngalih I
Lengar. Majalan kone suba panyeroan-panyeroan Idane makejang.
Tan kacrita di jalan, teked masih di desa Tegalanyar. Teked
di bancingah ane medalem I Lengar dugase di puri, teka kangen
kone ditu ngamengklokang natakin jagut. Ane jail, ada sengkok,
ada bengor bungutne, ada jerang kone paninggalanne. Ngepah kone
di bancingah ngon teken kamelahan purine. Buin jani kacrita Ida
Anake Agung di Negara. Wireh asing nikaang Ida ngalih I Lengar
makejang tusing ada ortana, dadi merang lantas Ida, lantas Ida
ngandika teken rabine, "Adi, jani kenkenang baan makeneh. Asing
tunden ngalih I Lengar teka tuara ada ortana. Kene ja suba jani
baan. Jalan ja i dewek jani ngalih ajak i cening".
"Inggih, titiang sairing beli agung", keto atur arinidane, lantas
Ida Anake Agung ngandikain prebekele apang nedunang panjak,
apang tragia saha bebekelan lakar ngiring Ida ngalih I Lengar.
Gelising satua, tedun kone suba panjake kumpul di bancingah,
tur gonge suba ngredeg, lakar bareng ngiringan Ida Anake Agung.
Jani mamargi kone lantas Ida Anake Agung bareng rainidane muah
Ida Anak Agung Ayu nglinggihin joli, iringang gong muah panjak
siuan.
Tan kacrita di jalan, kacrita suba rauh di desa Tegalanyar.
Kacrita jani I Wirajaya matur teken dedari Supraba, "Embok Supraba, nyen
jenenga ne teka, dadi aeng gredeganne?"
Masaut dedari Supraba, "To suba Anake Agung bareng rain
idane muah Anak Agung Ayu, ngalih cai mai. Cai suba maan pesu?
Di bancingah pakajongot patih punggawa, parekan panyeroan Anake
Agung. ada bengor, ada sero, ada sengkok, ngepah ditu baan ngonne teken
kaluungan umah gelahe". Keto upahne jail teken cai, jani
apang rasanina. Cai tongosang dogen ibane dini, apang kanti anake
- 144-