"Nah maan".
Sane madue purine puniki, kocap sane riin mapesengan I
Lengar, sane mangkin mapesengan I Wlrajaya. Desa puniki kocap
bau i tigang raina karyanina, kawastanin kocap desa Tegalanyar",
keto atur prebekele, ngandika Ida Anake Agung, "Ambul apa wayah-
ne I Wirajaya, tusingke ia cedaanga".
Matur i prebekel, "Mungguhing yusan dane kari anom tur
bagus genjing, tan wenten-wenten ceda Ratu Anak Agung". Kene
kone kayun Ida Anake Agung, "Ne suba I Lengar ane ngamatiang
I Rangsasa, jani dadi anak bagus, malanne makejang tampihanga
teken punggawan gelahe, salah ia nyailin i pidan". Ngandika lantas
Ida teken rabi rauah okanidane, "Adi, Cening pada, dini suba I
Lengar, ne ia ngelah umahe, jalan mulihan!"
"Ngiring beli Agung". Ngranjing lantas Ida sareng tiga kairing
baan prebekele. Kasapa lantas Ida baan I Wirajaya, "Titiang mamit-
ang lugra Ratu Dewa Agung, Cokor I Dewa bau rauh".
"Bapa mara teka".
Katuran lantas Ida sareng tetiga mlinggih. Suba pada mlinggih,
ngandika lantas Ida Anake Agung, "Cening Wirajaya, bapa anak
tandruh teken cening. cening madan I Lengar, ane ngamatiang
musuh bapane I Rangsasa".
"Inggih titiang Ratu Dewa Agung"
"Bih kalingane anak bagus mrupa lara. Akudang utusan bapa kaden suba
ngalih Cening. Dadi asing tunden majalan tusing ada
mlipetan. Mara bapa neked dini, teka dini diwangan tepuk ngepah
tur samalan ceninge i pidan saluda ajaka makejang. Ada bengor
cangkemne, ada sero paninggalanne, ada ane sengkok. Nah kene
suba bapa tekening Cening. Jalan suba cening mulihh, pragatang
sesangin bapane"
"Inggih titiang ngiring Ratu Dewa Agung".
"Nah lenan teken ento ada masih pangidih bapa teken Cening.
To buat patih punggawa, parekan muah panyeroan bapanne ka-
sakitan diwangan, Cening ngubadin totonan, apang mangdenne seger
buka jati mula. Yen tusing Cening ngubadin, tusing bisa apa seger.
titiang ngindaang ngamanahin, dumadak wenten ican
Widin titiange, minakadi dane-dane ring jaba".
"Nah tegarangin Cening". Suba kone keto mulihan lantas I
Wirajaya morahan teken dedari Supraba.
Gelising satua, seger lantas punggawane muah anake len-lenan.
- 146 -