Critaang Men Bekung sing ja tulak teken pakayunan Ida
Anake Agung, tur kakaukin pianakne, "Cening, Cening Bintang
Lara, jani Cening kesangan teken Ida Anake Agung, kapangandika-
ang tangkil ne jani. Cening singke ngelah kasisipan teken Anake
Agung?"
Masaut I Bintang Lara, "Meme, icang sing ja apa inget tain
sisip teken Ida Anake Agung", keto pasautne I Bintang Lara, lantas
ia majalan ngapuriang atehanga teken parekane.
Kacrita suba I Bintang Lara tangkil teken Anake Agung,
ditu lantas kandikain I Bintang Lara, "Ih cai Bintang Lara, krana
nira nunden cai tangkil mai, ada ne takonang nira teken cai. Nyen
ane nyurat di tembok nirane di jabaan?"
Matur I Bintang Lara, "Inggih Ratu Dewa Agung, titiang".
Buin Ida Anake Agung ngandika, "Nah yening cai, pedas cai
nawang tongos i gagak petake, kema jani enggal - enggal alihang
nira, bakal anggon nira ngubadin Anak Agung Istri. Yan tuara sida
baan cai pedas cai ngemasin mati". Dening keto pangandikan
Anake Agung, lantas Men Bekung ajaka I Bintang Lara mapamit
tur Men Bekung ngeling, sedih kangen ngenehang pianakne, kandi-
kaang ngalih gagak petak, reh totonan tusing ada di Madiapada. Yan
tan sakeng pasuecan Betara sinah sing ja nepukin", keto sesambat
Men Bekung sambilanga majalan.
Kacrita suba ia napak jumah, ditu lantas I Bintang Lara
ngomong teken memenne, "Nah Meme, da Meme sedih! icang
ngalahin Meme jani luas ngalih kedis gagak petak. Me icang maang
Meme ciri, makacirin icange mati kalawan idup. Yan mati punyan
jepune ne, icang mati. Yan idup, icang idup", keto pamunyinne I
Bintang Lara, lantas ia ngalahin meme bapanne. Sapaninggal I
Bintang Larane, meme bapanne sedih dogen.
Tan crita meme bapanne, kacrita I Bintang Lara, suba joh
pajalane masusupan di alase wayah. Suba nyrepetang, nepukin lantas
anak odah ngubu ditu padidiana. Anake odah ento matakon teken
I Bintang Lara, "Ih Cening, apa alih Cening mai ka alase, dadi
Cening bani mai ka alase wayah padidian?"
Masaut I Bintang Lara, "Inggih jero anak odah, kalintang
pisan tan sadian titiange numadi jadma, makawinan titiang rauh
mriki, saking kapangandikaang antuk Ida Anake Agung ngrereh
gagak petak pacang anggena tamban rabinida, dening rabinida
-149 -
