I Dewa. Saantukan parekan Palungguh Cokor I Dewa ipun punika
I Kunang-kunang setata ileh ileh ngaba api. Punika awinan titiang
ileh-ileh ngaba umah, ajerih pisan titiang yan umah titiange katunjel
antuk ipun I Kunang-kunang."
"Jani dadi suba mulih, kewala orahin ia I Kunang-kunang
apanga mai ka purian," keto pangandikan Ida Sang Prabu, laut I
Temisi ngenggalang mapamit, tur majalan. Satondenne ia nganteg
di umahne, laut ia singgah di umah I Kunang-kunange. I Kunang-
kunang katuju ia ada jumahne. Matakon I Kunang-kunang, "Ih,
Temisi, ngenken cai tumben kumah icange?"
Masaut I Temisi, "Ne, tekan icange kumah cai saking kapa-
ngandikaang ngorahhin cai apang musti cai nangkil ka purian.
Tuah amonto dedauhan Ida Sang Prabu. Nah, icang magedi malu."
I Kunang-kunang ngenggalang makire tangkil ka puri. Sa-
subanne teked di puri, enggal-enggal ia tangkil ring buk padan Ida
Sang Prabu Singa, nunasang unduk ibanne kadauhan.
Gelising satua, enggal, ngandika Ida Sang Prabu, "Bah, ne
cai Kunang-kunang, saja kone cai ileh-ileh ngaba api? Yening saja
keto, ento pelih pesan tingkah caine, nyen bisa puun umah nyaman
caine. Sajawining cai ngae nyama-nyama ribut dogen. Wenang
pesan cai kaukum sapatutne."
Matur I Kunang-kunang, "Inggih Ratu Sang Prabu, indaang
ja pakayunin dumun atur titiange. Awinan titiang matingkah asapu-
nika, sawireh puniki kaulan Palungguh Cokor 1 Dewa ipun I Beduda,
setata ipun makarya blungbang ring margine wiadin ring genahe
lian lianan. Sawireh titiang sampun biasa ring wengine ngrereh
tetedaan, ajerih ring jaga maclempung buntut titiange ring margi-
margi. Punika awinan titiang mamakta suluh." Kenginan kapatutang
pican atur I Kunang-kunange asapunika antuk Ida Sang Prabu.
"Kunang kunang, kema suba jani mulih, kewala ingetang orahin
I Beduda tunden mai jani nangkil." Lantas I Kunang kunang ma-
pamit, pajalanne gangsar pesan. Di jalan kacunduk ia teken I
Beduda sedekan ia ngae blungbang. Ngomong I Kunang kunang,
"ih Beduda, mreren malu iba magae. Ne ada omongang icang teken
cai," keto munyin I Kunang-kunange, dadi I Beduda tengkejut
slengagan tur masaut, "Apa omongang cai Kunang-kunang, dadi
ngrerenang icang sedeng ngae blungbang, tegarang orahin jani."
-29 -