tegakan duang bale, lakar ingu aji nasi, jalan tragiang uli jani",
ento kucit nyaine tampah anggon lawar". Suba kone keto, lantas
Pan Angklung Gadang nyemak blakas, nektek kayu atugel kapinda-
nang tungked mlengget tur mapontang-pontang, lantas pulasa aji
mangsi, kapontang-pontangin ban kudrang barak muah gadang,
Beh, luung pesan paturutan warnanne, tur tenget pagobaan tungkede
ento. Buin maninne palimunan Pan Angklung Gadang nampah lantas
nglawar. Kurenanne di paon nyakan laut nglablab jukut.
Nah, suba kone tengai, kacrita suba kone suud mlebengan,
tur pragat ngadonang lawar, jejeruk, gegecok, jukut, makejang suba
pada pragat, lantas Pan Angklung Gadang ngomong teken kuren-
anne, "Memenne, ne laware, wadahin cubek, kema pejang di
langgatan paone!" Ne nasine telung sok, kema pejang di langgatan
mambenge!. Ne jukute pejang di tengah glebege!
Ne jani critaang anake masangkepan di bale banjare, suba
uling i tuni nuduk putra dedandan, ento suba pragat makejang.
Sakewala jani nu ngrembugang unduk utang Pan Angklung Gadange,
sawireh jani sengkerne mungkah, lantasan ia tusing ada teka mai
masangkepan, "men jalan suba jani kema berenin ajak banjare
ngadep umah Pan Angklung Gadange".
Dening keto, makejang adung parembugan krama banjare,
lantas mrerod pada teka kumah Pan Angklung Gadange. Jero
Kalian tanggu malu capatina teken Pan Angklung Gadang. "Wau
rauh nika Jero Kelian, durusang drikaan mlinggih! Niki jero krama
banjar wau rauh nika sareng sami? Krama banjar wau rauh nika
sareng sami?".
Krama banjare makejang pada masaur, "Inggih, tiang mara
teka". Nah suba kone keto, lantas Jero Klian nlatarang unduk
tekan krama banjare, "Nah, Bapa Angklung Gadang, Bapa mutra-
nin pipis banjar buatan siu. Sawireh bapa tusing mayah-mayah
putra, jani suba kanti nikel ina. dadi duang tali. Dening ne malu
umah Bapane anggon Bapa kantah, jani umah Bapane lakar adep
icang. Nyen ja pilih tunggal kramane bani meli aji duang tali, ia
ngelahang umah Bapane".
Mara keto dingeha pisedek Jero Klian, lantas Pan Angklung
Gadang bengong masebeng kangen, tur cengeh-cengeh mangenang
lacurne, lantas ia ngomong, "Inggih Jero Klian, tiang nawegang
- 68-