nunas sisip ring jerone, yening wantah jerone ledang, tiang nunas
patanggeh asasih kewanten. Ring sangkepane malih apisan irika
tiang naur sami", keto pinunas Pan Angklung Gadange, Jero Klian
lantas ngrembugang teken kramane. Krama banjare makejang tuara
lega.
Dening suba tuara kalegan ban banjare, Pan Angklung
Gadang buin matur teken Jero Klian, "Inggih Jero Klian, ndaweg-
ang antosang malih ajebos kewanteh, tiang jagi ngaturin ajengan
Jero Klian. kalih krama banjare sami". Lantas masaut Jero Klian,
"To Bapa ngelah nasi tuah awaregan lakar nagih ngingu anak a-
banjar, sing salah-salah icang ngidihin bapa nasi". Pan Angklung
Gadang masebeng jengah, lantas ngaukin kurenanne, "Memenne,
kema jemak pasepane enggalang!"
Ngencolang bangun ne luh nyemak pasepan tur suba kejangin
api muah bungan asep, lantas enjuhina Pan Angklung Gadang, laut
mulihan masaa, ngasepin tungkede ne mapontang. Suba suud ngasep-
in, lantas tungkede gogonga ngaba pesu, mirib buka anake ngogong
dewa, lantas ia ngomong teken kurenanne, "Nah jani yatnain iban
nyaine nglungsur paican Ida Batara!" Ne jani Pan Angklung Gadang
buin mapinunasan, "Inggih Ratu Betara, titiang mamitang ajengan
tigang sok". Lantas slamparanga tungkede, ngwer, grodag, ulung
di langgatan mambengne, nregeng kurenanne menekan ka langgatan
tur nuunang nasi telung sok.
Lantas duduka tungkedne, tur ia jani nunas lawar, acubek,
laut buin slamparanga tungkedne, "ngwer, klesok", ulung di langgat-
an paone, ne luh ngteplak bangun menekan ka langgatan paonne
tur nuunang lawar acubek. Buin Pan Angklung Gadang nuduk
tungkedne. Jani nunas jukut apengedangan muah jejeruk teken ge-
gecok, lantas slamparanga tungkekne. "Ngiur, gredag", ulung di
glebegne. lantas bintit kurenanne nyemak jan lantas menekin glebeg
tur nuunang jukut, jejeruk muah gegecok. Suba kone pepek pada
tragia, laut kagibungang banjare pada madaar acepokan.
Kacrita duk totonan ada anak ane sugih gati bareng ditu ma-
sagi, ento madan I Giur ngantiang magegaenan ngotonin pianakne
buin limang dina. Dadi prajani I Giur dot teken tungked Pan
Angklung Gadange. Lantas lemesina Pan Angklung Gadang tagih
belina tungkedne aji alaksa, buin unjuk-unjukina teken I Giur,
kanti aji lebak sepaa, mara baanga teken Pan Angklung Gadang.
-69 -