Lantas ngencolang I Giur nyemak pipis, tur suba bayahanga teken
Pan Angklung Gadang. Lantas prajani Pan Angklung Gadang mung-
kah utangne, di banjar, sangkan buung madep umahne.
Tan critanan, gelising satua, suba kone jani gegaenne I Giur.
Tamiunne mabered kone pada teka luh muani liu pesan. Nanging
anake ngopin makejang tusing baanga magarapan nampah, nadian
anake luh-luh, masi tusing baanga nyakan. Kenehne I Giur ku-
mandel pesan teken tungkedne lakar ngadaang be, nasi muah jukut.
Nah suba kone tengai, jani suba masan anake madaar, jani
I Giur ninggarang kesaktian tungkedne, laut asepina tungkedne tur
ngaukin ancangan ajaka adasa ne lakar tundena nuduk nasine muah
lawarne. Lantas I Giur nunas nasi adasa sok, laut nylamparang
tungkedne, "nguer, krempeng", kaget sembe belah, buin nglantas
tungkedne, kena pepelengan tamiunne, macabcaban mesu getih kanti
klenger. Mara jagjagina di langgatan mambenge teken ancangane,
tuara ada bebedag.
Buin jani I Giur nylamparang tungkedne ka paon, tur nunden
ancanganne nuduk lawar. "Ngwer, gdabuag, cubek, payuk, kekeb,
onye belah kena tungked. Pagrudug ancangane nyliksik ngalih-alihin
lawar, masih tuara nepukin lud sajawining belahan prabot makacakan
di paon.
Jani buin kaslamparang tungkedne ka glebege. Dadi buka
tujuang ditu singala pianakne I Giur ne maotonan. "Nguer",
klentang", kena numpel tendas pianakne, ngejetjet laut mati.
Tamiunne makejang paklingus tuara baanga nasi, ada nglidkid
mulih tusing morahan. I Giur engsek pesan makeneh jani, dening
bes kaliunan jani taananga, len dadi ucapan bane bakat uluk-uluka
teken Pan Angklung Gadang, pipisne bakatanga lebak sepaa. Buin
jani ia nekaang tamiu tusing nyidaang maang nasi. Len prabot-
prabot telah belah kena tungked. Jani buin pianak mati mara ukana
maotonan. Ento krana puret kenehne I Giur, ngingetang paundu-
kane jani dadi ucapan.
Aketo temuna anake sugih tur demit tan paunduk, buin loba
teken gelah timpal, mabudi magegaenan apang payu, kasugihane
tileh, kene jani tepukin.
-70-