Kacrita mani semenganne, luas kone Men Tiwas ajaka pianak-
ne makadadua kalase praya ngalih saang, ngaba blakas gudig ludin
kecong-kecongan. Suba kone teked di alase, nektek lantas ia saang.
Tek.....tek......., tek, klencong. Kecong kone blakasne.
Benahina lantas blakasne. Suba pragat, mara tektekanga buin kone
kecong, mreren lantas Men Tiwas matektekan, negak di duur
bantange sambilanga maselselan, nyelselang buat kalacuran dewekne.
Mara sedekan ia bengong, kaget ada kone kidang putih maakin
Men Tiwas, tur ngomong kone kidange ento, "Seluk jit kune, seluk
jit kune!"
Masaut Men Tiwas, "Tiang ja tusing bani nyeluk jit jerone".
Buin kone maak-maakang kidange, begbeg keto dogen munyin
kidange, Men Tiwas tundena nyeluk jitne. Lantas muaset kone Men
Tiwas, seluka lantas jit kidange. Mara pesuanga limanne, pabrusbus
pesu pipis uli jit kidange.
"Buin di tengahan seluk!", keto buin niamunyi kidange. Buin
lantas seluka jit kidange. Mara umada limanne, memesu lantas
mas-masan, luire : gelang, bungkung masesocan melah-melah. Suba
kone liu kidange ento mesuang mas pipis, lantas kidange ento ilang.
Men Tiwas saha pianakne kendel pesan, lantas ia mulih mabrokong-
an ngaba pipis ajaka tetelu. Suba teked jumahne, Men Tiwas pra-
janian meli baas muah darang nasi ka peken. Pianakne epot ngen-
dihang api di paon. Pan Tiwas dugase ento tuara jumah. Mara ia
mulih, napetang suba ada nasi lebeng. Ditu lantas ajaka makejang
madaar, sambilanga matutur-tuturan, nuturang paundukanne nemu
bagia di alase.
Buin maninne pasemengan Men Tiwas suba nyakan, dugase
ento ngatuju pianak Men Sugihe mlali kema, tingalina paon Men
Tiwase makupuk, lantas ia ngenggalang mulih, morahan teken
memenne, "Meme, Meme, tumben ja Men Tiwas kali jani suba
nyakan. I busan icang mlali kema, tinggalin icang paonne makupuk".
Masaut memenne, "Ah, masa nyen kalijani ia nyidaang nyakan.
Apa to jenenga engseba".
"Tusing, sekala icang ningalin Men Tiwas ngaba baas ka
paon. Tegarang ja meme kema nelokin!" Kema lantas Men Sugih
kumah Men Tiwase. Mara ia teked ditu, dapetanga pianak Men
Tiwase makadadua nganggo mas-masan. Ditu lantas Men Sugih
tengkejut.
"Ih ne dija nyai maan kene kene, baan nyai mamaling?"
-80-
