Leak Pemoroan
I
21
ditu. Sasubané marasa tekén aman, mara lantas ia ngrasgas menekang gumanti ia teked di pabianan sayur-mayurne bapak petani uli Karangasem. Kabenengan di pabian sayur-mayure totonan pak tani sedeng ngarit sayur kesawi ijo, ditu lantas I Lentir ngojog sambilanga ngenco nyaruang déwékné apang tusing tawanga tekén tibumé. Sakéwala petani sayuré totonan madan Pak Kerug anak suba nawang sipta tekén I Lentir sesajanné kema ulian mengkeb, mapan ia suba sai-sai nepukin anak jerih uli kompléks ulian ada razia tibum.
"Pak ngudiang rengas mriki? Sebeng bapake cara anak katangehan mamaling?" kéto patakon petani sayure.
"Nggih Pak, yakti tiang mriki mula ngalih pengkeban, sawiréh tiang mlaibin tibum." Pak kerug kangen ngiwasin Jro tamiuné masebeng dengang palihatne mrengang, aris ia inget tekén déwékné paturu muani masih taén kapah-kapah nyewa gatep engkag di kompléks prostitusiné totonan,tusing lalis atinné nepukin anak katangkep tibum.
"Béh lamun kéto, enggalang cecapil tiange anggon apang tusing ketara!" Lantas I Lentir nyaluk tetopongne Pak Kerug, mara I Lentir marasa hangkenehné sawiréh nyidayang nyaruang déwékné sig petani sayur-mayuré.Kuala di kompléks pelacurané totonan enu gresyuh uyut tibumé lakar ngejuk anaké demen ngalih céwék wiyadm céwék penayange. Sawiréh anak suba ada sekan germoné majaga di sisin kompleks, ento enggalan ngemang kode awanané tibume dugas razia cakupané totonan tibumr tusing maan ngejuk penayang wiyadin ané demen ngalih céwék. Makejang céwéké pada sambrag ngalih pengkeban,ada ané mengkeb di tengah padiné rob di cariké di pesunné meseh rupa matompreng tekén nyanyad, ada masth ané mengkeb sig warung-warung kopiné nyaru-nyaru milu madagang ditu, ada ané mengkeb ka umah pisagane paek ditu. Dagang bakwané makyayangan sawiréh baksoné telah kuala tusing maan madagang, mapan I Lentir nyanggupangmayahin céwék nemnem totonan suba enggalan malaib.Sasubané aman, I Lentir klisat-klisat mitbit batisné babak
