Makudang-kudang Drama Bali
daat kangen).
Prami : "Ooooooooo ....ne te Paman katundung baan I Beli Agung. Apa salahe, Paman?"
Widanta : "Tiang mapemuhu, saantukan Ida kalimburan antuk panak raksasi, Ratu Anak Agung Biang Cokor I Dewakatonang titiang kaarad,katuludang runtuh ring gerembengane ... Ratu."
Prami : Subaang, Paman subaang. Ne mula pituduh Ida Sang Hyang Wenang.Paman ajak tiang anak mula
katitah.(Ida Prami ngawangsitin malih bidadari-bidadari sami). Jero ... sepalan Jero tindih ...
ubadin pianak Gelah apang buka jati mula. Keto
masi Paman Widanta ubadin apang seger buka jati mula."(katambanin raris Ki Patih).
Widanta : "Mi...mi... mi ...mi.... Mara titiang ngantenang mertan jagat. Suksema titiang Ratu Anak Agung Biang."
Prami : "Kene jani Paman! Dini suba Paman ajak Gelah jele melah bareng dini. Gelah kaemban baan bidadari tur Gelah ngelah pianak adanina Panji Raras ...ne suba pianak Gelah."
Panji Raras : "Jalan dini ajak yang. Gumi Sapta Patala adane ene,Paman.Biang gelah kaemban panjak gamang teken warapsara-warapsari."
Widanta :"Ratu Anak Agung Putra. Tan keni antuk titiang mangaturang, liang manah titiang. Saking mangkin titiang ngaturang bela satia ring Biang Ida rauhing Ida Anak Agung Putra."
Prami :"Jalan Cening ka Jeroan. Paman, iring Gelah, Paman."(Tan dugi liange raris ka Jeroan ka puri Sapta Patala).
Paos IV
(Sue dados watangane I Jero Dukuh,jantos kutus raina. Kawinan asapunika, antuk tan adung para semetone jaga mendem layon I Jero Dukuh punika).
102