Makudang-kudang Drama Bali
akeh!" (ngankin panyeroan). "Nyen ento ditu. Mai aba kacang gorenge, apan nawang kacang Nusa. Be pasihe onyangan." (Penyeroan rauh mabebaktan).
Gusti Ode Murka :"Bah,jegeg-jegeg pesan panyeroane."(Ngimpek paan Sangkuni)"Ada kita?"
Sangkuni :(Nadah kimud)."Ongkeb pesan, Gusti."
I Gusti Ngurah Jelantik:"Buin inum, anggon ngilangang ongkeb!" (Nginum sinarengan). "Kenken rasane?" (Pada ngambil ulam,kacang).
Gusti Gde Murka :"Nah, ne mara tomplok bagia. Makejang sarwa jahan."
Sangkuni :"Arak Nusa sampunang papasa. Gumanti Palungguh I Gusti maraga wicaksana."
I Gusti Ngurah Jelantik:"Da Paman sanget ngajumang."
Gusti Gde Murka :"Saja keto Ngurah. Madaging pisan kayun Ida Anake Agung, ngudiang Ngurah Arya dini. Palelah suba suecan Ida Anake Agung yen diamonene."
Sangkuni :"Patut Gusti. Sami panjake ring Semarapura ngangobang kawentenane kadi mangkin, iriki ring Nusa."
I Gusti Ngurah Jelantik:"Nah, yen keto buka raos Pamane, tiang sing ja amunapa. Ida Sanghyang Widhi Wasa mraga sueca. Men,mirib ada orta lung uli di Puri?"
Gusti Gde Murka : "Nah, ento suba karanane Beli teka mai. Buka nadake. Beli mula tuah sing tahu Ngurah,unduke di Puri Semarapura."
I Gusti Ngurah Jelantik: "Lautang tuturang Beli!"
Gusti Gde Murka :"Mirib Ngurah tonden ningeh,Ida Anake Agung sedeng kabingungan,jani."
I Gusti Ngurah Jelantik:"Bingung? Mirib makayunan ngambil rabi?"
Gusti Gde Murka :"Sing kakeneh ban Beli. Rasa-rasa ulian pangarabdan prami suarine. Bes kagedean guna panangkeb."
330
