Makudang-kudang Drama Bali
mulih!"
Anak Tua :"Cobakin dumun ubad tiange niki, cobakin.Tiang balian sakti."(pajar jro baliane ngedged)
Made Denda :"Yen sing seger ... bani mapunggal, bani?"
Anak Tua :"Bani...!"
Made Denda :"Mekel! Niki anak tua, ngangken ipun balian sakti. Sanggup ipun ngubadin. Yen ten seger bana, bani ipun kapademang."
Wayan Kobar :"Ampah-ampah .... Limolas baliane nguang srana, sing sida nglawan geringe ene! Dadi congah ngangken iba sadu. Ih, ne te balian dekil. Uli dija, uli dija?"
Anak Tua :"Tiang balian saking Sepang. Saking Sepang tiang."(sadah matindakan ipun ragah-rogoh)
Wayan Kobar :"Balian Sanur sing nyidayang ... ne, ne, uli Sepang lakar nyidayang nyegerang. Cangkah cumangkah." (Jro balian katuludang jantos nyrendeng)
Anak Tua :"Sampunang ampah-ampah, pariceda ... ten dados. Cutet yen ten mrasidayang seger anake sungkan, punggal tiang, punggal!"
Wayan Kobar :"Beh kedeh pesan baliane tenenan. Nah, nah, sing dogen ja seger, jag mapunggal." (raris katambanin,saantukan Ni Nyoman Dangin uning ring reng munyin sang balian punika, raris ipun kisik-kisik mulaning degeng memegeng dados klepat-klepat)
Anak Tua :"Oooooooong ... klungah bungsil. I Nengah matanne besil...."
Ketut Likes :"Baaaaa ... ne mantra apa totonan, kalunga bungsil...? I Nengah matanne besil...?"
Anak Tua :"Sampunang kenten, sampunang ... pariceda, pariceda .... Niki sampun mantram tiange sai nyegerang."
Made Denda :"Kuuuuuukkan... da jani nepukin mantra klungah
88
