125
ne ento?"
"Kenten kocap kasar rawes ipun, Tu. Pantes jadmane punika kasar!"
Malih akejepne malih I Dayu ngandika, semu kenying, "Men, Luh, apa kone kautaman anake luh totona?"
"Mimi, Ratuuu. Yan deriki beli Made, meh pedih ipun ring Ratu. Dumun daweg beli Madene nuturang indike punika, wau titiang mejarang....... ia I Ketut Rijasa jag kesengen, pedih ipun. 'Da, Luh ia teken Ni Ketut Rijasa : pantes sing ketoang anake! Tawang anak istri utama ento; orahina ja kautamanne, nah, Luh! Baana satia, tindih teken anak tiwas Ni Ketut Rijasa. Luh, Luh, tawang I Nyoman Arka ugase di-Jember maan jejeh pesane. Paturu masekolah guru. Ada orta, buruna dogen kone I Ketut Rijasa teken guru mara lepas, di sekolah Belandane ditu. Gurune ento kone okan Patih ditu. Sugih ngreped; bagus genjing.
Kirimina surat kone lantas Ni Ketut Rijasa teken I Nyoman Arka. Beli tuturina, baanga maca mara pidan surate ento kayang jani, api suba mapumahan nu masimpen, kene munyine Luh! Nah sing ja patuh sake-kecap dong suksemane.
"Beli Nyoman, beli pantes jejeh teken unduk tiange. TIang keweh masih baana; jani tiang di Gurune istri nongos, aturang tiang unduke; jaga-jagana. Nanging da ja jejeh, sing saja apa tiang sap teken unduk iragane saling pabuntilin munyi, di Bangkiang Sidem. Yan nyak tiang teken okan Patihe dadi Raden
