"Dayanin sampun! Suung ngluntang, Ratu, Mangkin indayang manawi embok Putu wenten!" Pasonge macakal, narajang, calingnya mabenga putih. I Made nyepak ipun. Jantos makletak tendanga asu punika keni sepatu, "Ne segut ne......." Asu mrondanan mlaib ipun kapungkur. Saget wenten jadma tua nyagjag,
"Sira? Baaaaaa, jerone pidan rauh jero Made?"
"Mara tiang, Wak! Mekel Ketut kija? Suwung ka!"
"Mekel Ketut dibi ka Gerung, Jero Made!"
"Dayanin suba." Kenten ngrumun I Made Sarat
"Benjang, kocap!"
"Ratu mireng sampun, Dayu! Benjang kocap wau beli Ketut rauh. Aduh, musti I Luh Sari ngabanin bantuge!"
"Nggih, tiang suba, buin kenken, lenan teken bantug, beli Made?"
"Ngiring, jerone driki. Titiang makta kuncine" asapunika atur janmane tua.
"Anak kenken ento, De? Adi keto tembang rawene?"
"Sasak ipun. Ipun jemet pisan, deriki sampun saking riin, wau beli Ketut magenah ring Mataram dos pangijeng deriki."
" Wak? Wak apa adane?"
