Kaca:Malancaran ka Sasak.pdf/31

yah dogen."
"Kanggeang Dayu! Ratu ten wenten ngicen titiang i motore pules, apang masih deriki iring......Ten adena makurenan titiange...."
"Kadena ja, lamun sing.............."
"Lamun kenten ngudiang ngraosang ten nau, iwau?"
"Be duwegne nyangglak omong I Made, malah daya-nin."
"...Meen! Bantas Ratu, samalih anak istri di-kapan titiang kaon!"
"Da ja, bangga iju-ijuan, De!.... Mimi, jahen sajaan sope...... sing ada nasi kone De? Takonang ja!"
"Nasi ada?"
"Tida tuan; orang tuan datang sudah petang hari tidak ada tempo masak Jawa. Tamu-tamu lain - semua makanan Belanda....."
"titiang miragi gatra, yening anak ayu, jegeg, kocap tan kengin ajum! Daweg Ida ring Bandung .boya ngraina Ratu ngajumang masakan Belanda?"
"Aruh, med tawang De ken masakan Belanda! Buina kudang tiban suba Yang sing taen naar kene-kene. Sap suba asanne."
I Made jag kenyem, eling ipun ring rerawesan ge guyonan sareng timpal-timpalipun guru-gurune ring sakolahan HIS. Ipun nguntuk, kliab. liang mawonipun.
....... I Dayu nelektekang paningalanipune, makliab liang, tur mataken. "De, adi liang pesan ulese, De ?