Kaca:Malancaran ka Sasak.pdf/33

"Sapuniki Dayu. I tigang rahina timpal titiange karantan-rantan kadung maguyunan indik kruna-kruna basa Bali sane kengin anggen bebaudan."
"Men apa te enggalang>"
"Kenten kocap, Dagang dagingin degeng!"
"Dagingin apa kone?"
"Men tumbasin, dagingin pipis, masa ipun mlaib."
"Buin?...... Jaja apa kone ada, De? Bi, jaja - jahen ulesne to.....! Nah te lantasang tuture!"
"Desak kocap...."
"Nah.........nah!"
"Desek kocap!"
"Mimi, keto-keto dogen paitungan I Madene dadi guru!"
"Men, titiang bajang muani, kramana..........."
"Bih, yan dingeha ken muride, sing kimud, De ? Nah, apa buin ?"
I Made mendep ipun, tan purun ipun ngaturang mangkin, sane sampun di tuktut layahipun.
"Nah, De...... Apa to? Dagang dagingin degeng. Desak desek....... buin apa ?"
"Aruh, ten juari ngaturang! Nyen duka nyen, Ra-tu!"
"Siiiing, kewala da crucuh dogen!"
"Masa nyen titiang purun crucuh..... mara keto amun napi Ratu ten kenal ring titiang!"
"Nah, te, enggal pesane pedih I Made."
"saja, ne !"