ngamunggahang ka pasanggrahan.
Wenten rupa pukul setengah lima, nyoreang;mando- re rauh saking Ampenän, tur ipun ngrawes ring I Made, midartaang wenten gapgapan saking rabin dane Ketut Gunawan, madaging surat. I Made ngambilin surate tur kelingan antuknya tetulisan dane Ni Putu Sawitri. Lega sebengnya wau ipun ngupak surat punika,
"Made,
Ne embok mapetin Made jaja, anggon pasilih kale- pasan beline teken pelih emboke, tusing nyadang Ma-de jumah, ane ibi sanja. Da ryen pedih, De! Ragane masih pelih, adi sing nyak nitipang tulis teken beli ne?"
Ane makaput dluang taluh, panembahan Madene atur in, sing misi be sampi; be siap misi! Nah, mani nu- tur De, mendep-mendep I Made!
Embok
Putu Sawitri."
Kenyir I Made, lega manahnya, ngon ipun ring anake istri puniki. Tindih saking kantun sareng masekolah ring Denpasar. Yening ring dane Ni Putu Sawitri sering ipun masadu, parindikan kakewehannya, sering taler I Made mapikolih ngidih timbangan ring ke kasihannya 'Punika.
"Embok Putu masih ngaden i -dewek mademenan ajak anake istri; sing tawanga apa buka anake di Beleleng nyenggakan 'Matindik katake'. Kenyir ipun, sambil ipun
