Kaca puniki kavalidasi
- 62 -
MEN RASNING: | Melah masi keto! |
NANG KEPOD: | Beh kadong ngomong keto, taen mabalih joged acepok deong baan misanne nyaga kercis sing mayah Ngajinang bajang-bajang nganggur saling sigit gintelin. Heh, heh, heh, inget duk deweke bajang. Heh, heh, heh. |
MEN RASNING: | Men, duk beline bajang dija sih beli pepes nganggur? |
NANG KEPOD: | Sig.....sig.....nyaine (Men Rasning makaik ngeling) |
MEN RASNING: | Beli mangun-mangunang macan pules. Aduh, dekdek liget rasan atine. Ane kelingang tenenan tidong yeh mata nanging api paketeltel uli matan tiange. |
NANG KEPOD: | Ah, ah, dong koja ngeling atin beline masih gannjih nyanan milu ngeling. Nyai mancing, beli be, sing ja bakat amah. Nyai matakon, bakat ya sautin beli. (Men Rasning sigsigan) |
MEN RASNING: | Abedik pesan salah tiange! |
NANG KEPOD: | Kayang jani beli sing demen ngelah demenan krabang-kribing. |
MEN RASNING: | Beneh, duk totonan tiang anak nu bajang cenik. Nakita ya ngomong ngajak anak muani lenan. |