Kaca puniki kavalidasi
LINDUNG UYAHIN
Panumaya sampun
wayah jagate
panes ngentak
sadina-dina
saisin alas puun
trebesan toya enyat
pangkung tukad tuh
sakewanten
I manusa pada galak
munyine banggras
sebenge brangti
alise mapalu
asing rarem
dadi runtig
doh sawat
salunglung-sabayantakane
saling cureng
kumanyamane sirna
pada ngarereh kanti
I Balian wegig
sami magradaban
pagrasah
sakadi lindung uyahin
(Denpasar, 9-11-2001)
KASANGSARAN
Panumadine
kamercapada
wantah katuduhang
Sanghyang Wenang
manut phalakrama
manut slokan jagat
idupe
mondong sangsara
kadi
patapan
I kranjang padang
peteng lemah openin
tan papegatan
pamuput wantah
manemu
pati
punika wantah
lalampahan
manusa idup
(Denpasar, 9-11-2001)
6