Kaca puniki kavalidasi
CICING KASANGA
Manut
pangalikan sasih
angin baret
kaulu
sampun kapratyatsa
sang sujana widagda
pangrauh panampih sasih
kaciriyang antuk
ipun I asu-sona
pada sumaringah
pada asih-kumasih
binal pada buang
luh muani
pada adung
ngulurin idep
samara gama
mawinan margine
pada kabyuhan
asu kadulurin
munyinnyane
saling ngundang
mangda matemu
dados slokan jagat.
(Denpasar, 9-11-2001)
CELIBINGKAH
BATAN BIYU
Ada kangin
ada kauh
beten kalawan duur
palas kaja-kelode
Legeh-endepe
munduk-lobong
pada ngilis
gumatat-gumitite
manut munyinnyane
ring desa pakraman
sapunika
kawentenannya
waluya buron
ring alas
suara manut
parilaksana
mamurug uger-uger
lan pariwertan jagat
waluya
I buta tumben
kedat
(Denpasar, 9-11-2001)
7
