Kaca puniki kavalidasi
Tresnane Mabunga Mati
SUNDIH
Engsap tiang
gulemé selem ento
madugdug migumang sebet
sebet ngapa sebeng
sebeng-sebeng kaden ngeling
ngelingang eling suba
pragat sanja sing ada galang
remrem ngerembanin
majalan malajah ngepung
lawat sawat pegat-pegat
ngambyar ngaba rasa
nembara
Katuju ada bulan lan bintang
maguyang liang nerang galang
liu ada entikan rasa
makenyit nyujuh langit
ejoh pesan langité.....
apabuin lelangit....
sing ngenah,
sing sinah......
ento paling ruruh !
54
