29
kană dă tjai djoemboeh, djelē anakē bongkak merekak boekă tjai, poepoetnē nemoe kesangsaran."
27. ERLODJI.
Sanē doemoen-doemoen ring Bali mēweh patjang oening ring daoeh, seantoekan arang pisan wēnten perabotipoen, inggih poenikă sanē kewastanin penalikan. Poenapă malih ring goenoengan wiadin ring dēsă-dēsă, ring negariko wantah siki kalih sanē wēnten. Sanē mangkin dangan pisan patjang oening ring daoeh poenikă, ring didjananko wēnten sanē medoeē, inggih poenikă sanē kewastanin djam miwah ērlodji. Djam poenikă ageng, kegantoengang ring tēmbokē. Ērlodji poenikă alit, makēhan metali antoek antē, kēngin kekantongin, kebaktă loeas-loeasan. Iriki ring sekolahan taler wēnten polan djam, kaangēn ngoeroekang alit-alite. Ērlodji poenikă wangoenipun boenter, toer metekep antoek katjă. Djam kalih ērlodji poenikă wēnten djaoemipoen kalih katih, sanē mebinajăn pandjangipoen. Djaoem sanē tjendek metoedjoeang djamipoen, sanē pandjang metoedjoeang menitipoen: poenikă awinannjă, pemarginipoen gelisan ring sanē tjendek. Boenteran djam poenikă mebagi dados roras bagian; sebilang abagi mebagi malih dados lelimă, mekerană sanē aboenteran wēnten nem dasă bagian alit-alit. Ring bagian ageng poenikă kedagingin angkă, ngawit saking 1 ngantos 12. Bagian poenikă keanggēn metoedjoeang djamipoen, sanē alit-alit matoedjoeang menitipoen. Jēning djaoemipoen sanē tjendek memargi abagian ageng wiadin 5 bagian alit, sanē pandjang memargi 12 bagian angeng wiadin 60 bagian alit wiadin apoeteran (ailehan), soeēnipoen kewastanin adjam wiadin 60 menit. Jēning djaoem tjendek ring angkă 1 wiadin ring angka 2, 3, 4 miwah ring angkanē sanē lian-lianan, djaoem pandjang pasti ring angka 12; poenikă kewastanin djam 1, djam 2, 3, 4 ring seloeiripoen. Jēning djaoem tjendek ring pantaraning angkă 12
